پاکستان میں جنوبی افریقہ اور میزبان پاکستان کے درمیان کرکٹ میچز کی سیریز جاری ہے۔ جہاں لاہور شہر میں آج سے ٹی ۔ 20 سیریز کا آغاز ہوگا۔ ٹیم ذرائع کے مطابق فاسٹ بولر حسن علی، حارث رؤف اور محمد حسنین کو ٹیم میں شامل کیا جائے گا جبکہ ٹاپ آرڈر میں بابر اعظم، حیدر علی، محمد رضوان کو کھلانے کی امید ہے۔
پاکستان ۔ جنوبی افریقہ کا پہلا ٹی ۔ 20 مقابلہ آج
پاکستان اور جنوبی افریقہ کے درمیان پہلا ٹی ۔ 20 انٹرنیشنل میچ آج لاہور کے قذافی اسٹیڈیم میں کھیلا جائے گا۔ بابر الیون شام 6.30 بجے ہندوستانی وقت کے مطابق پروٹیز کے خلاف ایکشن میں نظر آئے گی۔
پاک افریقہ ٹی۔20 سیریز کی رونمائی
جمعرات کو لاہور کے قذافی اسٹیڈیم میں پہلا میچ ہے جب کہ دونوں ٹیموں کے درمیان سیریز کا دوسرا اور تیسرا ٹی۔20 میچ 13 اور 14 فروری کو لاہور میں ہی کھیلا جائے گا۔ یہ میچز بھی شام 6 بجے ہی شروع ہوں گے۔
واضح رہے کہ پاکستان نے جنوبی افریقہ کے خلاف کراچی ٹیسٹ 7 وکٹ اور پنڈی ٹیسٹ 95 رنز سے جیت کر مہمان ٹیم کو کلین سوئپ شکست دی تھی۔