انگلینڈ نے دورۂ پاکستان منسوخ کرنے میں مغربی تکبر کا مظاہرہ کیا: مائیکل ہولڈنگ

ویسٹ انڈیز کے سابق تیز گیند باز مائیکل ہولڈنگ نے کہا ہے کہ انگلینڈ کا دورۂ پاکستان سے مکمل طور پر دستبردار ہونا مغربی تکبر کا اشارہ ہے۔ انگلینڈ کو پاکستان میں صرف چار دن ہی گزارنے تھے، مجھے یقین ہے کہ یہ لوگ بھارت کے ساتھ ایسا نہیں کرتے کیونکہ بھارت امیر اور طاقتور ہے۔

ویسٹ انڈیز کے سابق تیز گیند باز مائیکل ہولڈنگ نے انگلینڈ کے گزشتہ ماہ کے دورہ پاکستان کو ختم کرنے کے فیصلے کی مذمت کی۔ ویسٹ انڈیز کے سابق کرکٹر مائیکل ہولڈنگ نے پاکستان کا دورہ منسوخ کرنے کے فیصلے کے بعد انگلینڈ اینڈ ویلز کرکٹ بورڈ (ای سی بی) پر تنقید کرتے ہوئے کہا ہے کہ انھوں نے مغربی تکبر دکھایا ہے۔

گزشتہ ماہ ای سی بی نے ذہنی اور جسمانی تندرستی کے خدشات کی وجہ سے اپنے مردوں اور خواتین کی کرکٹ ٹیم کے دورۂ پاکستان منسوخ کردیے تھے۔

ای سی بی نے یہ فیصلہ تین دن بعد کیا جب نیوزی لینڈ نے حفاظتی خطرے کا حوالہ دیتے ہوئے افتتاحی میچ کے آغاز سے چند منٹ قبل اپنا دورہ ترک کرنے کا فیصلہ کیا تھا۔

مائیکل ہولڈنگ، جنہوں نے اپنے شاندار کیریئر میں 60 ٹیسٹ اور 102 یک روزہ بین الاقوامی میچ کھیلے، نے بدھ کو کہا کہ کوئی بھی آگے آنا اور کسی بھی چیز کا سامنا نہیں کرنا چاہتا کیونکہ وہ جانتے ہیں کہ انہوں نے جو کیا ہے وہ غلط تھا۔ اس وجہ سے انہوں نے ایک بیان دیا اور پھر اسکے پیچھے چھپ گئے۔

انھوں نے مزید کہا کہ یہ حرکت مجھے صرف اس فضول باتوں کو یاد دلاتا ہے جو انہوں نے بلیک لائیوز میٹر کے کے وقت کیا تھا۔

انھوں نے کہا کہ مجھجے اس چیز سے جو اشارہ ملتا ہے وہ صرف اور صرف مغربی تکبر ہے۔ میں آپ کے ساتھ ایسا سلوک کروں گا جیسا میرا دل کرتا ہے، اس سے کوئی فرق نہیں پڑتا کہ آپ کیا سوچتے ہیں ، میں وہی کروں گا جو میں چاہتا ہوں۔

مائیکل ہولڈنگ نے مزید کہا کہ انگلینڈ کو پاکستان میں صرف چار دن ہی گزارتے تھے، مجھے یقین ہے کہ یہ لوگ بھارت کے ساتھ ایسا نہیں کرتے کیونکہ ہندوستان امیر اور طاقتور ہے۔

انھوں نے کہا کہ وہ چار دن کے لیے جا رہے تھے جبکہ پاکستان 2020 میں انگلینڈ میں اس وقت گیا جبکہ ویکسین بھی دستیاب نہیں تھے، اس کے باوجودپاکستان قرنطینہ میں ٹھہرے، انہوں نے اپنی کرکٹ کھیلی۔

ای سی بی پر مزید تنقید کرتے ہوئے ہولڈنگ نے کہا: وہ ٹھہرے، انہوں نے پوری سیریز بھی کھیلی اور ان کی عزت کی جو انگلینڈ چاہتا تھا کہ وہ ان کا احترام کریں اور اب آپ کے پاس موقع تھا کہ آپ ان کے ملک میں جاکر کھیلتے۔

اس سے قبل پاکستان کرکٹ بورڈ (پی سی بی) کے چیئرمین رمیز راجہ نے کہا تھا کہ انگلینڈ اور نیوزی لینڈ کا پاکستان میں سیریز نہ کھیلنے کا فیصلہ ان کے لیے ایک سبق ہے اور اب وہ صرف اپنے مفاد کو دیکھیں گے۔

میں انگلینڈ کے فیصلے پر سخت مایوس ہوں لیکن اس کی توقع تھی کیونکہ یہ مغربی بلاک بدقسمتی سے متحد ہو جاتا ہے اور ایک دوسرے کی پشت پناہی کرنے کی کوشش کرتا ہے۔

لہذا آپ سیکورٹی کے خطرے کی بنیاد پر کوئی بھی فیصلہ لے سکتے ہیں۔ لیکن افسوس کا مقام یہ تھا کہ نیوزی لینڈ نے ان خطرات کے بارے میں معلومات شیئر کیے بغیر ہی فرار ہوگئے۔

واضح رہے کہ یہ انگلینڈ کی خواتین ٹیم کا تاریخ میں پہلا اور 2005 کے بعد ان کے مرد کرکٹ ٹیم کا پہلا دورہ پاکستان ہوتا۔