Indian Cricket Team: بھارتی ٹیم سیاہ پٹی باندھ کر میدان میں اتری

بھارتی کرکٹ ٹیم نے بدھ کو اوڈیشہ کے بالاسور میں ٹرین حادثے پر تعزیت کے طور پر آسٹریلیا کے خلاف ورلڈ ٹیسٹ چیمپئن شپ (ڈبلیو ٹی سی) فائنل میں بازو پر سیاہ پٹیاں باندھ کر اتری۔

لندن:بھارتی ٹیم کا ساتھ دیتے ہوئے آسٹریلوی ٹیم کے کھلاڑیوں نے بھی سیاہ پٹیاں باندھیں۔ روہت شرما کی ٹیم نے بھی میچ شروع ہونے سے قبل خاموشی اختیار کی۔بھارتی کھلاڑیوں نے اڈیشہ حادثے پر شدید افسوس کا اظہار کیا۔

بورڈ آف کنٹرول فار کرکٹ ان انڈیا (بی سی سی آئی) نے اس سلسلے میں ٹوئٹ کیاکہ بھارتی کرکٹ ٹیم اوول میں آئی سی سی ورلڈ ٹیسٹ کے پہلے دن کھیل شروع ہونے سے قبل اوڈیشہ ٹرین سانحہ کے متاثرین کی یاد میں ایک لمحے کی خاموشی اختیار کرے گی۔

ٹوئٹ میں کہا گیا ہے کہ ٹیم اموات پر تعزیت کرتی ہے اور ان تمام لوگوں کے خاندانوں اور دوستوں کے ساتھ اپنی گہری تعزیت کا اظہار کرتی ہے جنہوں نے المناک طور پر اپنی جانیں گنوائیں۔ بھارتی ٹیم متاثرہ افراد کے ساتھ اظہار یکجہتی کے لیے بازو پر سیاہ پٹیاں باندھے گی۔

بالاسور میں گزشتہ جمعہ کو دو مسافر ٹرینوں اور ایک مال ٹرین کے آپس میں ٹکرانے سے تقریباً 300 لوگوں کی جانیں گئیں۔ زخمیوں کی تعداد 900 سے تجاوز کر گئی ہے۔

بھارتی ٹیم اس وقت یہاں اوول گراؤنڈ میں ڈبلیو ٹی سی فائنل میں آسٹریلیا کا سامنا کر رہی ہے۔واضح رہے کہ گزشتہ روز اڈیشہ کے بالاسور میں ہوئے ٹرین حادثے میں سینکڑوں لوگوں کی موت ہو گئی تھی۔اس واقعے میں تقریبا نو سو سے زائد افراد زخمی ہوئے ہیں۔مختلف ہسپتالوں میں زخمیوں کا جاری ہے۔