India vs Sri Lanka Test Match: بھارت وراٹ کے 100ویں ٹیسٹ میچ کو یادگار بنانا چاہے گا

بھارتی کرکٹ ٹیم کے سابق کپتان وراٹ کوہلی کے جمعہ کو 100ویں ٹیسٹ میچ 100th Test Match Of Virat میں بھارتی کرکٹ ٹیم جیت کے لیے کھیلے گی۔ India vs Sri Lanka Test Match

وراٹ نے اپنے اب تک کے شاندار کرکٹ کیریئر Virat's Cricket Career میں کئی سنگ میل حاصل کیے ہیں اور وہ جمعہ کو موہالی کے پنجاب کرکٹ ایسوسی ایشن (پی سی اے) اسٹیڈیم میں اپنے آپ کو پروقار سطح پر پائیں گے، جب وہ 100 ٹیسٹ میچ کھیلنے والے بھارت کے 12ویں اور دنیا کے 71ویں کھلاڑی بن جائیں گے۔

ان سے پہلے سچن ٹیندولکر، راہل دراوڈ، وی وی ایس لکشمن، انیل کمبلے، کپل دیو، سنیل گواسکر، دلیپ وینگسرکر، سورو گنگولی، ایشانت شرما، ہربھجن سنگھ اور وریندر سہواگ 100 سے زیادہ ٹیسٹ میچ کھیل چکے ہیں۔ 100th Test Match Of Virat

یہ یقینی طور پر ایک آل فارمیٹ کرکٹر کے لیے ایک اہم حصولیابی ہے اور خاص طور پر تب، جب اس کا پورا کیریئر ٹی20 کے دور میں چلاہو۔ سنیل گواسکر، سچن ٹیندولکر یا یہاں تک کہ راہل دراوڈ جیسے دیگر ہندوستانی بلے بازوں کے برعکس ویراٹ کا ہندوستان کی ٹیسٹ ٹیم میں اپنی جگہ پکی کرنے کا راستہ انتہائی شانداررہا ہے۔

وراٹ کے لیے اس لمحے کو یادگار بنانے کے لیے پی سی اے نے خصوصی انتظامات کیے ہیں۔ پی سی اے نے چنڈی گڑھ کے مختلف مقامات پر کوہلی کو مبارکباد دینے والے بڑے بڑے بورڈ لگائے ہیں۔ اس کے علاوہ آئی ایس بندرا کرکٹ اسٹیڈیم میں بھی کوہلی کو مبارکباد کے پیغامات والے بینرز لگائے گئے ہیں۔ یہ بھی سمجھا جاتا ہے کہ پی سی اے کی جانب سے وراٹ کا ہوٹل سے اسٹیڈیم تک استقبال کیا جائے گا۔ ساتھ ہی ساتھ پی سی اے کی جانب سے ویراٹ کو ایک سلور شیلڈ بھی بطور یادگار پیش کی جائے گی۔ 100th Test Match Of Virat

قابل ذکر ہے کہ 2008 میں ون ڈے میں ڈیبیو کرنے کے بعد، وراٹ کو پہلا ٹیسٹ میچ کھیلنے کا موقع تقریباً تین سال بعد کیریبین میں ملا، جب کرکٹ لیجنڈ سچن ٹیندولکر نے اس دورے کو چھوڑنے کا انتخاب کیا۔ تب تک، کوہلی نے 50 اوور کے فارمیٹ میں خود کو ٹیم کے سرکردہ بلے باز کے طور پر قائم کر لیا تھا، حالانکہ انہیں ریڈ بال ٹیم میں کوئی کامیابی نہیں مل رہی تھی۔

ٹیسٹ فارمیٹ میں ان کا آغاز اچھا نہیں تھا اورانہیں اپنی پہلی سیریز میں مایوس کن کارکردگی کے بعد ڈراپ کر دیا گیا تھا، لیکن وہ سال کے آخر میں شاندارکارکردگی کی بدولت بیرون ملک دورے میں ٹیم کا حصہ بنے، جہاں وہ 300 رنزکے اعدادوشمار کوپارکرنے والے واحد مہمان بلے باز بنے۔ 100th Test Match Of Virat

بھارتی ٹیم کی بات کریں تو تقریباً تمام کھلاڑی فٹ نظر آرہے ہیں۔ حال ہی میں ٹیم کے نائب کپتان جسپریت نے بھی ورچوئل پریس کانفرنس میں تمام کھلاڑیوں کے پہلے ٹیسٹ میچ کے لیے فٹ اور دستیاب ہونے کی بات کہی تھی۔ بھارتی ٹیم پچھلی تین سیریز لگاتار جیت کر آرہی ہے۔ ایسے میں اس کا اعتماد کافی بڑھا ہوا ہے، جس کا اثر کارکردگی پر نظر آئے گا۔ 100th Test Match Of Virat

یو این آئی