جنوبی افریقہ اور بھارت کے درمیان پانچ میچوں کی سیریز کے پہلے ٹی 20 میچ میں میزبان ٹیم بھارت کو شکست دینے کے بعد اتوار کو کٹک کے بارابتی اسٹیڈیم میں کھیلے گئے دوسرے ٹی 20 میچ میں بھی ٹیم انڈیا کو 4 وکٹوں سے شکست دے کر سیریز میں 2-0 کی برتری حاصل کر لی ہے۔India vs South Africa
Ind vs Sa 2nd T20: جنوبی افریقہ نے بھارت کو دوسرے میچ میں بھی شکست دے دی
جنوبی افریقہ کے وکٹ کیپر ہینرک کلاسن کی شاندار بلے بازی 46 گیندوں پر 81 رنز کی بدولت مہمان ٹیم نے 18.2 اوورز میں 6 وکٹوں کے نقصان اور 10 گیند پہلے ہی 149 رنز کا ہدف حاصل کرلیا، جس کے ساتھ ہی جنوبی افریقہ نے سیریز میں 2-0 کی سبقت حاصل کر لی ہے۔India vs South Africa
جنوبی افریقہ نے بھارت کو دوسرے میچ میں بھی شکست دے دی
جیتنے کے لیے آسان ہدف 149 رنز کا تعاقب کرتے ہوئے مہمان ٹیم کا آغاز بھی خراب رہا اور 29 رنز پر افریقہ کے چار وکٹ پویلین لوٹ گئے تھے اور یہاں سے یہ محسوس ہوا رہا تھا کہ بھارت میچ میں واپسی کرسکتا ہے۔ لیکن جنوبی افریقہ کے وکٹ کیپر ہینرک کلاسن (81 رنز، 46 گیندوں، 7 چوکے، 5 چھکے) جو پانچویں نمبر پر بیٹنگ کے لیے آئے، نے اپنی زبردست اسٹرائیکس سے میچ کو یک طرفہ بنا دیا۔کوئی ہندوستانی گیند باز ان کے سامنے نہیں چل سکا جس کی وجہ سے مہمان ٹیم نے 18.2 اوورز میں 6 وکٹوں کے نقصان پر اور 10 گیندیں باقی رہتے دوسرا ٹی ٹوئنٹی بھی جیت لیا۔
اس سے قبل جنوبی افریقہ نے ٹاس جیت کر پہلے گیند بازی کا فیصلہ کیا۔ ہندوستان کی جانب سے شریاس ایئر نے 35 گیندوں میں دو چوکوں اور دو چھکوں کی مدد سے 40 رنز بنائے۔ ایشان کشن نے 21 گیندوں میں دو چوکوں اور تین چھکوں کی مدد سے 34 رنز بنائے۔ دنیش کارتک نے 21 گیندوں میں دو چوکوں اور دو چھکوں کی مدد سےناٹ آؤٹ 30 رنز بنائے۔ اننگز کے آخری اوور میں کارتک نے ڈوین پریٹوریئس کی گیندوں پر لگاتار دو چھکے لگائے۔کپتان رشبھ پنت پانچ اور ہاردک پانڈیا نو رنز بنا کر آؤٹ ہوئے۔ اکشر پٹیل نے 10 اور ہرشل پٹیل نے ناٹ آؤٹ 12 رنز بنائے۔ جنوبی افریقہ کی جانب سے اینریک نورٹجے نے 36 رنز کے عوض دو وکٹ لئے۔