چند روز قبل سینے میں درد کی شکایت پر کولکاتا کے ایک نجی ہسپتال سے صحتیاب ہو کر گھر واپس لوٹنے والے بی سی سی آئی کے صدر سورو گنگولی نے آسٹریلیا کے خلاف ٹیسٹ میچ ڈرا کرانے پر کھلاڑیوں کی جم کر تعریف کی۔
بی سی سی آئی کے صدر سورو گنگولی ان دنوں اپنے گھر سے بھارتی کرکٹ بورڈ کے کام کاج پر نگرانی رکھ رہے ہیں۔
سورو گنگولی سارا دن آسٹریلیا کے خلاف ٹیسٹ میچ میں بھارتی کرکٹ ٹیم کی کارکردگی پر نظر رکھے ہوئے تھے۔
بھارتی کرکٹ ٹیم کے سابق کپتان اور موجودہ بی سی سی آئی کے صدر سورو گنگولی نے آسٹریلیا کے خلاف ٹیسٹ میچ ڈرا کھیلنے پر اشون، پجارا اور وہاری کی جم کر تعریف کی۔
میچ ختم ہوتے ہی بی سی سی آئی کے صدر نے ٹویٹ کرتے ہوئے بھارتی کرکٹ ٹیم کے کھلاڑیوں کے میچ ڈرا کھیلنے پر جم کر تعریف کی اور اگلے میچ کے لئے حوصلہ افزائی بھی کی۔
بھارتی کرکٹ ٹیم کے سابق کپتان سورو گنگولی نے ٹویٹ کرتے ہوئے لکھا کہ 'ٹیم انڈیا کے تمام کھلاڑیوں کو آج کا دن یاد رکھنے کی ضرورت ہے۔ اس سے انہیں اگلے میچ میں اس سے بھی شاندار کارکردگی کے لئے حوصلہ افزائی ملے گی'۔
انہوں نے کہا کہ اشون، پجارا اور ہنومان وہاری نے غیر معمولی کارکردگی کا مظاہرہ کیا۔ ان تینوں کھلاڑیوں نے ثابت کردیا کہ انہیں بھارتی ٹیم میں کیوں جگہ ملی ہے۔
