برسبین میں بارڈر گاوسکر ٹرافی کے چوتھے ٹیسٹ کے پانچویں دن بھارتی ٹیم کے نوجوان وکٹ کیپر بلے باز رشبھ پنت کا نام تاریخ کے اوراق میں درج پو گیا۔
دراصل رشبھ پنت نے میچ کی چوتھی اننگز کے دوران ایک رن بنانے کے ساتھ ٹیسٹ کرکٹ میں اپنے ایک ہزار رنز مکمل کیے۔
پنت نے نہ صرف ایک ہزار رنز مکمل کیے بلکہ بھارت کے لیے ٹیسٹ فارمیٹ میں اس اعداد و شمار کو چھونے والے تیزترین وکٹ کیپر بلے باز بھی بن گئے۔
رشبھ پنت نے اپنے ایک ہزار رن صرف (27 اننگز) میں مکمل کیے۔ اس سے قبل بھارت کے لیے وکٹ کیپر کی حیثیت سے سب سے تیز ایک ہزار رنز بنانے کا ریکارڈ سابق کپتان مہندر سنگھ دھونی کے نام تھا۔
ایم ایس دھونی نے یہ کارنامہ (32 اننگز) میں انجام دیا تھا۔ اس کے بعد فاروق انجینئر (36 اننگز) اور ردھیمان ساہا (37 اننگز) کا نام ہے۔
واضح رہے کہ 23 سالہ رشبھ پنت کے لیے یہ آسٹریلیائی دورہ اب تک بہت ہی شاندار رہا ہے۔ انہوں نے سڈنی میں کھیلے جانے والے تیسرا ٹیسٹ میچ کو ڈرا کرانے میں اہم کردار ادا کیا تھا اور 97 رنز بنائے تھے۔
بھارت کی جانب سے سب سے تیز ایک ہزار ٹیسٹ رنز بنانے والے وکٹ کیپر بلے باز: