بھارت انگلینڈ ٹیسٹ سیریز شائقین کی موجودگی میں کھیلا جائے گا

برطانوی حکومت نے کورونا وائرس کے متعلق تمام پابندیاں 19 جولائی کو ختم کرنے کا اعلان کیا ہے جس کے بعد اب بھارت اور انگلینڈ کے مابین آئندہ 4 اگست سے شروع ہونے والی ٹیسٹ سیریز شائقین کی موجودگی میں کھیلی جائے گی۔

برطانوی وزیر اعظم بورس جانسن نے پیر کو اعلان کیا کہ کووڈ 19 کے سبب لاک ڈاؤن کی تمام پابندیاں 19 جولائی کو ختم ہوجائیں گی۔ جس کی وجہ سے اب بھارت اور انگلینڈ کے مابین پانچ ٹیسٹ میچوں کی سیریز میں شائقین میچ سے لطف اندوز ہوسکیں گے۔

برطانوی وزیر اعظم بورس جانسن نے پیر کو اس بات کی تصدیق کی ہے کہ کورونا کے سبب پابندیاں جیسے لاک ڈاؤن، ماسک پہننا، انڈور، آؤٹ ڈور اسٹیڈیم میں شائقین پر پابندی 19 جولائی کو اختتام ہوجائے گی۔

واضح رہے کہ بھارت اور انگلینڈ کے مابین پانچ ٹیسٹ میچوں کی سیریز کا آغاز 4 اگست کو ناٹنگھم سے ہوگا۔ جب کہ بھارت اور نیوزی لینڈ کے مابین ورلڈ ٹیسٹ چمپیئن شپ کا فائنل گزشتہ ماہ ساؤتھمپٹن میں محدود شائقین کی موجودگی میں کھیلا گیا تھا۔