آل انڈیا سینئر سلیکشن کمیٹی کے چیئرمین چیتن شرما نے ہفتہ کو سری لنکا کے خلاف آئندہ تین میچوں کی ٹی ٹوئنٹی اور دو ٹیسٹ میچوں کی سیریز کے لیے بھارتی اسکواڈ کا اعلان کر دیا ہے۔ India Announce squad against Sri Lanka
وراٹ کوہلی کی جگہ روہت شرما کو بھارت کا نیا ٹیسٹ کپتان بنایا گیا ہے۔ وہیں چیتیشور پجارا اور اجنکیا رہانے کو بھارت کی ٹیسٹ ٹیم سے باہر کردیا گیا ہے۔ Rohit Sharma India new Test captain
رویندر جڈیجہ اور سنجو سیمسن کی سری لنکا کے خلاف 24 فروری سے لکھنؤ میں شروع ہونے والی تین میچوں کی ٹی۔20 بین الاقوامی سیریز کے لیے بھارتی ٹیم میں واپسی ہوئی ہے۔
جڈیجہ اور سیمسن چوٹ سے ابھرنے کے بعد واپسی کر رہے ہیں جبکہ شاردل ٹھاکر کو ٹی ٹوئنٹی اور ٹیسٹ سیریز کے لیے آرام دیا گیا ہے۔
جسپریت بمراہ ویسٹ انڈیز کے خلاف وائٹ بال ہوم سیریز میں آرام کے بعد نائب کپتان کے طور پر ٹیم میں واپس آئے ہیں۔ اب وہ فاسٹ باؤلنگ آرڈر کی قیادت کریں گے جس میں بھونیشور کمار، دیپک چاہر، محمد سراج اور غیر کیپڈ کھلاڑی اویش خان شامل ہیں۔
دوسرے ٹی۔20 میں ویسٹ انڈیز کے خلاف بھارت کی جیت کے بعد وراٹ کوہلی اور رشبھ پنت کو آخری ٹی۔ٹوئنٹی کے لیے آرام دیا گیا ہے۔ انہوں نے بائیو ببل کو چھوڑ دیا ہے اور انہیں سری لنکا کے خلاف ٹی ٹوئنٹی سیریز سے بھی آرام دیا گیا ہے۔
یہ بھی پڑھیں: IND vs Wi 3rd T20: ٹیم انڈیا ویسٹ انڈیز کو کلین سویپ کرنے اترے گی
ٹی 20 انٹرنیشنل سیریز کے لیے بھارتی اسکواڈ:
روہت شرما (کپتان)، رتوراج گائیکواڑ، ایشان کشن (وکٹ کیپر)، سوریہ کمار یادو، شریاس ایئر، وینکٹیش ایئر، دیپک ہڈا، جسپریت بمراہ (نائب کپتان)، بھونیشور کمار، دیپک چہر، ہرشل پٹیل، محمد سراج، سنجو سیمسن (وکٹ کیپر)، رویندرا جڈیجہ، یوزویندر چہل، روی بشنوئی، کلدیپ یادیو، اویش خان
ٹیسٹ سیریز کے لیے بھارتی اسکواڈ: Indian squad for Test series Against Sri lanka
روہت شرما (کپتان)، میانک اگروال، پریانک پنچال، وراٹ کوہلی، شریاس ایئر، ہنوما وہاری، شبمن گل، رشبھ پنت، کے ایس بھرت، آر اشون، رویندرا جڈیجا، جینت یادو، کلدیپ یادو، جسپریت بمراہ (نائب کپتان) محمد شامی، محمد سراج، امیش یادو، سوربھ کمار
