لکھنؤ: انگلینڈ کرکٹ ٹیم کے کپتانجوس بٹلر نے کہا کہ 230 رنز کا تعاقب کرتے ہوئے ہمیں موقع ملا لیکن وہی پرانی کہانی دہرائی گئی۔ مجھے اوس کے بارے میں کوئی اندازہ نہیں تھا اور صرف دل کے آواز پر اسکور کا پیچھا کرنے کا فیصلہ کیا۔ بالرز نے پاور پلے میں اچھی شروعات کی اور انہیں موومنٹ بھی ملا۔ فیلڈنگ بھی بہت اچھی تھی لیکن ہم نے خراب بلے بازی کی۔ انہوں نے کہا کہ ٹورنامنٹ میں ابھی کھیلنے کےلئے کافی کچھ باقی ہے۔
پلیئر آف دی میچ روہت شرما نے کہا کہ پہلے 10 اوورز کے بعد پارٹنرشپ بنانا ضروری تھا۔ آپ کو حالات کے مطابق اپنے شاٹس کھیلنا ہوں گے۔ اگر آپ کے پاس تجربہ ہے تو اسے استعمال کریں۔ مجھے لگا کہ ہم 20-30 رنز کم بنا پائے تھے۔ نئی گیند نے مشکلات پیدا کر دیں اور گیند پرانی ہونے کے ساتھ ساتھ اسٹرائیک کو روٹیٹ کرنا مشکل ہو گیا۔