نئی دہلی: بھارت کی میزبانی میں جاری آئی سی سی ورلڈ کپ 2023 کے دوران شائقین کو محظوظ کرنے کے لیے اسٹیڈیم میں ڈرنک بریک کے دوران مین لائٹ بند کر لائٹ شو کا اہتمام کیا جا رہا ہے تاہم آسٹریلوی آل راؤنڈر گلین میکسویل اس سے خوش نہیں ہیں۔ بدھ کو یہاں نیدرلینڈ کے خلاف ریکارڈ سنچری بنانے کے بعد میکسویل نے کہا کہ یہ تماشائیوں کے لیے اچھا ہے، لیکن کھلاڑیوں کے لیے خوفناک ہے۔
انہوں نے مزید کہا کہ میں نے اس قسم کی لائٹ کا بگ بیش لیگ میں بھی تجربہ کیا ہے۔ اس دوران پرتھ اسٹیڈیم کی روشنیاں غائب ہوگئی۔ اندھیرے کے بعد جب لائٹ شو کے لیے دوبارہ روشنی آتی ہے تو ایسا محسوس ہوتا ہے جیسے آنکھوں کو کچھ چمک رہا ہے اور سر میں درد ہورہا ہے۔ میکسویل نے کہا کہ لائٹ شو کے بعد آنکھوں کو ایڈجسٹ ہونے میں کچھ وقت لگتا ہے، میرے خیال میں کرکٹرز کے لیے یہ سب سے احمقانہ خیال ہے۔