پنے:مہاراشٹر کے پونے میں کھیئلے جارہے آئی سی سی منز ورلڈ کپ کے17 ویں میچ میں ہندوستان اور بنگلہ دیش کی ٹیمیں آمنے سامنے ہیں۔ دونوں ٹیمیں اس میچ میں جیت درج کرنے کے لئے پر عزم ہیں۔ آج کے میچ کے لئے ہندوستانی ٹیم میں کوئی تبدیلی نہیں ہے جبکہ بنگلہ دیش کی ٹیم میں ایک تبدیلی ہے۔ آج کے میچ میں شکیب الحسن بنگلہ دیش کی جانب سے نہیں کھیلیں گے۔ وہ زخمی ہیں۔ نسیم احمد کی ٹیم میں واپسی ہوئی ہے۔
رواں آئی سی سی منز ورلڈ کپ میں شاندار کھیل کا مظاہرہ کر رہی ہندوستانی ٹیم تینوں میچ جیت کر چھ پوائنٹس کے ساتھ دوسری پوزیشن پر ہے۔ اگر ہندوستانی ٹیم کو آج کے میچ میں جیت ملتی ہے تو نیوزی لینڈ کو پہلی پوزیشن سے بے دخل کر سکتی ہے۔ دوسری طرف رواں ورلڈ کپ میں بنگلہ دیش کی کارکردگی مایوس کن رہی ہے۔ بنگلہ دیش کو تین میچوں میں دو میں شکست کا سامنا کرنا پڑا ہے جب کہ ایک میچ میں جیت ملی ہے۔ بنگلہ دیش تینوں میچوں میں دو پوائنٹ کے ساتھ چھٹی پوزیشن پر ہے۔