لکھنو:اترپردیش کے لکھنو میں واقع ایکنا اسٹیڈیم میں آسٹریلیا کی دعوت پر پہلے بیٹنگ کرتے ہوئے جنوبی افریقہ کے بلے بازوں نے عمدہ شروعات کی۔سلامی بلے باز ڈی کوک اور ٹمبا بواما نے پہلے وکٹ کے لئے 108 رن جوڑے۔
کپتان ٹمبا بواما 35 رنوں کی اننگ کھیل کر گلین میکس ویل کی گیند پر کیچ آوٹ ہو گئے ۔وین ڈی روسن 26 رن بنا کر ایڈم زمپا کی گیند پر آوٹ ہو کر پویلین کی طرف لوٹ گئے۔
اس کے بعد کونٹن ڈی اور ایڈین مارکرم نے اپنی ٹیم کی اننگ کو آگے بڑھاتے ہوئے آسٹریلیائی گیندبازوں کی جم کر پٹائی کی۔مگر جنوبی افریقہ کے 197 رنوں کے مجموعی اسکور پر کونٹن ڈی کوک 109 رنوں کی شاندار اننگ کھیل کر آوٹ ہو گئے۔میکس ویل نے ڈی کو ک کلین بولڈ کردیا۔
ایڈین مارکرم 44 گیندوں پر سات چوکوں اور ایک چھکے کی مدد سے 56 رن بنا کر کمنز کی گیند پر کیچ آوٹ ہو گئے ۔اس کے بعد ہنریک کلاسن 29 رن بنا کر چلتے بنے۔
ڈیوڈ ملر 17 رن اور مارکو جانسن26 رن بنا کر آوٹ ہوئے۔جنوبی افریقہ نے مقررہ 50 اوورز میں سات وکٹوں کے نقصان پر 311 رن بنائے۔آسٹریلیا کو میچ جیتنے کے لئے 311 رن بنانے ہوں گے۔
آسٹریلیا کی جانب سے گلین میکس ویل اور میشل اسٹارک دو دو وکٹ لے کر سب سے کامیاب گیندباز ثابت رہے۔اس کے علاوہ ہیجل ووڈ، پیٹ کمنز اور ایڈم زمپا کو ایک ایک وکٹ ملا۔
اس سے قبل ریاست اتر پردیش کے لکھنو میں آئی سی سی ورلٖڈ کپ کے ایک اہم میچ میں آسٹریلیا نے جنوبی افریقہ کے خلاف ٹاس جیت کر پہلے فیلڈنگ کرنے کا فیصلہ کیا۔دونوں ٹیموں میں تبدیلی ہوئی ہے۔