بھارت اور آسٹریلیا کے مابین آکلینڈ میں کھیلے گئے میچ میں بھارت نے پہلے بلے بازی کرتے ہوئے کپتان متالی راج اور ہرمن پریت کور اور یستیکا بھاٹیہ کی نصف سنچریوں کی بدولت آسٹریلیا کو 278 رنوں کو ہدف دیا تھا جسے آسٹریلیا نے 4 وکٹیں کھو کر حاصل کر کے سیمی فائنل میں جگہ بنا لی۔ Australia Qualify for Semi Final in Women's World Cup آسٹریلیا نے کپتان میگ لیننگ (97 رنز) اور وکٹ کیپر ایلیسا ہیلی (72 رنز) کی شاندار اننگز کی بدولت آئی سی سی خواتین کرکٹ ورلڈ کپ کے اس سنسنی خیز مقابلے میں تین گیندیں باقی رہتے ہوئے بھارت کو 6 وکٹوں سے شکست دے دی۔
یہ آسٹریلیا کی مسلسل پانچویں جیت ہے اور اس نے سیمی فائنل کی داخلہ حاصل کر لیا ہے۔
بھارت کی جانب پوجا وستراکر نے دو وکٹیں حاصل کیں جبکہ میگھنا سنگھ اور اسنیہا رانا نے ایک ایک بلے باز کو آؤٹ کیا۔
آسٹریلیا کی جانب سے کپتان میگ لیننگ سنچری سے محروم رہیں لیکن انہوں نے 107 گیندوں پر 13 چوکوں کی مدد سے 97 رن کی فاتحانہ اننگز کھیلی جس کے لیے انہیں 'پلیئر آف دی میچ' قرار دیا گیا۔