دبئی: بھارت کے آل راؤنڈر ہاردک پانڈیا نے بدھ کے روز جاری آئی سی سی رینکنگ میں کریئر کی بہترین رینکنگ حاصل کر لی ہے۔ ہاردک پانڈیا آل راونڈرز کی درجہ بندی میں ٹاپ 5 میں جگہ بنالی ہے۔ انہوں نے آل راؤنڈر رینکنگ میں 8 مقام کی چھلانگ لگائی ہے اور وہ 167 ریٹنگ پوائنٹس کے ساتھ رینکنگ میں پانچویں نمبر پر آگئے ہیں۔ 28 سالہ پانڈیا کو ایشیا کپ میں پاکستان کے خلاف اپنی آل راؤنڈ کارکردگی کا فائدہ ہوا ہے۔ پانڈیا نے 28 اگست کو پاکستان کے خلاف اہم میچ میں بھارت کی جیت میں کلیدی کردار ادا کیا تھا۔ انہوں نے 17 گیندوں پر 33 رنز کی جارحانہ ناٹ آوٹ اننگز کھیلی۔جبکہ 3 وکٹیں بھی حاصل کی تھیں۔ ICC T20 Rankings: Hardik Pandya Climbs to Fifth Position in latest All-Rounder Rankings
ٹی 20 کی آل راونڈز رینکنگ میں افغانستان کے محمد نبی 257 ریٹنگ پوائنٹ کے ساتھ سرفہرست ہیں جب کہ بنگلہ دیش کے شکیب الحسن 245 ریٹنگ کے ساتھ دوسرے نمبر پر انگلینڈ کے معین علی 221 ریٹنگ کے ساتھ تیسرے آسٹریلیا کے گلین میکسویل 183 ریٹنگ پوائنٹ کے ساتھ چوتھے نمبر پر ہیں۔
وہیں بلے بازی کی رینکنگ میں پاکستان کے بابر اعظم پہلی پوزیشن پر قابض ہیں تو رضوان ان کا تعاقت کرتے ہوئے 796ریٹنگ پوائنٹ کے ساتھ دوسرے نمبر پر موجود ہیں، جبکہ بھارت کے سوریہ کمار یادو 792 ریٹنگ کے ساتھ تیسرے نمبر پر ہیں۔