میلبورن:انٹرنیشنل کرکٹ کونسل نے جمعہ کو یہ اعلان کیا۔ 2023 ورلڈ ٹیسٹ چیمپئن شپ کی فاتح کو 16 لاکھ ڈالر کی انعامی رقم ملے گی جبکہ رنر اپ ٹیم کو 800,000 ڈالر ملیں گے۔
ہندستان اور آسٹریلیا کے درمیان ورلڈ ٹیسٹ چیمپئن شپ 2023 کا خطابی میچ 7 سے 11 جون تک اوول میں کھیلا جائے گا۔ تیسرے نمبر پر آنے والی جنوبی افریقی ٹیم کو 450,000 ڈالر ملیں گے۔ چوتھے نمبر پر رہنے والے انگلینڈ کو 350,000 ڈالر اور پانچویں نمبر پر آنے والے سری لنکا کو 200,000 ڈالر ملے۔
چھٹے نمبر پر نیوزی لینڈ، ساتویں نمبر پر پاکستان، آٹھویں نمبر پر ویسٹ انڈیز اور نویں نمبر پر بنگلہ دیش کو ایک ایک لاکھ ڈالر ملے ہیں۔یال رہے کہ بی سی سی آئی نے اسپورٹس ویئر برانڈ ایڈیڈاس کے ساتھ پانچ سال کا معاہدہ کیا ہے، جس کے تحت ہندوستانی ٹیم کی جرسی اور کٹ میں تبدیلی کی گئی ہے۔
وراٹ کوہلی، روی چندرن اشون، امیش یادو، شاردول ٹھاکر، اکشر پٹیل، محمد سراج اور جے دیو انادکٹ آئی پی ایل کا سفر ختم کرنے کے بعد کوچنگ اسٹاف کے ساتھ لندن روانہ ہو چکے ہیں۔ شاردول اور امیش کو ہیڈ کوچ راہل دراوڑ، بیٹنگ کوچ وکرم راٹھور، فیلڈنگ کوچ ٹی دلیپ اور بولنگ کوچ پارس مہمبرے کے ساتھ بی سی سی آئی کی طرف سے جاری کردہ تصاویر میں دیکھا گیا۔
یہاں اوول گراؤنڈ میں 7 جون سے ڈبلیو ٹی سی فائنل میں ہندوستان کا مقابلہ آسٹریلیا سے ہوگا۔ ہندوستان نے مسلسل دوسری بار خطابی میچ میں جگہ بنائی ہے جبکہ پچھلی بار اسے نیوزی لینڈ کے ہاتھوں شکست کا منہ دیکھنا پڑا تھا۔
یہ بھی پڑھیں:WTC Final بھارتی ٹیم کی ڈبلیو ٹی سی فائنل کے لئے تیاریاں شروع
ڈبلیو ٹی سی فائنل کے لئے ہندوستانی اسکواڈ: روہت شرما (کپتان)، شوبھمن گل، چیتشور پجارا، وراٹ کوہلی، اجنکیا رہانے، کے ایس بھرت (وکٹ کیپر)، روی چندرن اشون، رویندر جڈیجہ، اکشر پٹیل، شاردول ٹھاکر، محمد سمیع، محمد سراج، اومیش یادو ، جے دیو انادکٹ، ایشان کشن (وکٹ کیپر)۔
اسٹینڈ بائی کھلاڑی: رتوراج گائیکواڈ، مکیش کمار، سوریہ کمار یادو۔
یواین آئی