سڈنی: آسٹریلیائی کرکٹ کے عظیم کھلاڑی ایان چیپل نے آسٹریلیا پاکستان ٹیسٹ سیریز سے پہلے پاکستان کرکٹ ٹیم کی کپتانی تبدیل کرنے پر کہا کہ یہ بار بار اپنے کپتانوں کو تبدیل کرنا ان کی پرانی عادت ہے۔ شان مسعود 2009 کے بعد سے پاکستان کے نویں ٹیسٹ کپتان ہیں۔
این چیپل نے 'وائیڈ ورلڈ آف' پر بات کرتے ہوئے کہا کہ یہ افسوسناک ہے، میرے خیال میں بابر اعظم بہت اچھا کھلاڑی ہے۔ وہ اب بھی پاکستانی ٹیم میں شامل ہے اور شاید انہیں کوئی بہتر کپتان مل جائے لیکن یہ پاکستان کا خاصہ ہے کہ وہ اکثر کپتان بدلتے رہتے ہیں۔
واضح رہے کہ ورلڈ کپ 2023 میں خراب کارکردگی کے باعث شدید تنقید کا سامنا کرنے کے بعد بابراعظم نے کرکٹ کے تمام فارمیٹس میں پاکستان کی کپتانی سے استعفیٰ دے دیا تھا۔ جس کے بعد پاکستان کرکٹ بورڈ نے سلامی بلے باز شان مسعود کو نیا ٹیسٹ کپتان مقرر کیا ہے۔