نئی دہلی:دہلی پولیس نے بھارتی کرکٹ ٹیم کے سابق کپتان مہندر سنگھ دھونی (ایم ایس دھونی) اور وراٹ کوہلی کی بیٹیوں کے خلاف سوشل میڈیا پر غلط تبصرے کرنے والوں کے خلاف کریک ڈاؤن شروع کردیا ہے۔ نازیبا تبصروں کے معاملے میں دہلی کمیشن برائے خواتین جمعرات کے روز حرکت میں آئی۔ دہلی کمیشن برائے خواتین کی چیئرپرسن DCW سواتی مالیوال نے دہلی پولیس کے سائبر سیل کو نازیبا تبصرہ کرنے والوں کے خلاف ایف آئی آر درج کرنے کا نوٹس جاری کیا تھا۔
اب خبر ہے کہ دہلی پولیس نے اس معاملے میں ایف آئی آر درج کر لی ہے۔ اس کی جانکاری خود سواتی مالیوال نے ٹوئٹر پر دی ہے۔ انہوں نے ٹوئٹر پر لکھا، 'وراٹ کوہلی اور مہندر سنگھ دھونی کی بیٹیوں پر کیے گئے نازیبا تبصروں کے معاملے میں ایف آئی آر درج کی گئی ہے۔ بہت جلد تمام ملزمان کو گرفتار کرکے سلاخوں کے پیچھے بھیجے جائے گا۔
معلوم ہوا ہے کہ دھونی اور کوہلی کی بیٹیوں اور ان کی بیویوں کے بارے میں سوشل میڈیا پر بہت سے نازیبا تبصرے کیے گئے ہیں۔ اس سے قبل سواتی مالیوال نے کچھ تبصروں کے دھندلے اسکرین شاٹس پوسٹ کیے تھے۔ اس نے اسکرین شاٹ پوسٹ کرتے ہوئے لکھا۔ کچھ اکاؤنٹس ٹویٹر پر ملک کے دو بڑے کھلاڑیوں وراٹ کوہلی اور دھونی کی بیٹیوں کی تصاویر پوسٹ کر کے نازیبا تبصرے کر رہے ہیں۔ 2 برس اور 7 برس کی بچی کے بارے میں ایسی گندی باتیں؟ اگر آپ کسی کھلاڑی کو پسند نہیں کرتے تو کیا آپ اس کی بیٹی کے ساتھ زیادتی کریں گے؟ پولیس کو ایف آئی آر درج کرنے کا نوٹس جاری کررہے ہیں۔
غور طلب ہے کہ میچ ہارنے کے بعد کرکٹ شائقین ناراضگی کا اظہار کرتے ہیں۔ کچھ شائقین کو اتنا غصہ آتا ہے کہ وہ کھلاڑیوں کو ٹرول کرنے لگتے ہیں۔ شائقین کی جانب سے کھلاڑیوں کو ٹرول کرنا کوئی نئی بات نہیں۔ لیکن یہ معاملہ اس وقت بگڑتا ہے جب شائقین کھلاڑیوں اور ان کے اہل خانہ پر غلط تبصرے کرتے ہیں۔ معلوم ہوا ہے کہ اس سے قبل بھی سنہ 2020 میں ایک انسٹاگرام صارف نے ایم ایس دھونی کی بیٹی جیوا کو ریپ کرنے کی دھمکی دی تھی۔
مزید پڑھیں:
