بھارت اور انگلینڈ کے مابین چار میچوں کی ٹیسٹ سیریز کے لیے بقیہ دو میچز کے لیے بھارتی ٹیم کا اعلان کردیا گیا ہے۔ بی سی سی آئی نے بقیہ دو ٹیسٹ میچوں کے لیے ٹیم کا اعلان ٹویٹر کے ذریعے کیا۔
تیز گیند باز امیش یادو احمدآباد ٹیسٹ کے لیے فٹنس ٹیسٹ پاس کرنے کے بعد ٹیم میں شامل ہوسکتے ہیں۔ وہ ٹیم میں شاردُل ٹھاکر کی جگہ لیں گے اور شاردل کو وجے ہزارے ٹرافی کے لیے ریلیز کر دیا جائے گا۔
اس کے علاوہ سلیکشن کمیٹی نے انکِت راجپوت، اویس خان، سندیپ واریئر، کرشنپا گوتھم اور سوربھ کمار کو نیٹ بالر کے طور پر شامل کیا ہے۔
اس ساتھ ہی کے ایس بھرت اور راہل چہر کو بطور اسٹینڈ بائی کھلاڑی ٹیم کے ساتھ رکھا گیا جبکہ ابھیمنیو ایشورن، شہباز ندیم اور پریانک پانچال کو وجے ہزارے ٹرافی کے لیے ریلیز کیا گیا ہے۔
وراٹ کوہلی(کپتان)، اجنکیا رہانے(نائب کپتان)، روہت شرما، مینک اگروال، شبھمن گِل، چیتیشور پُجارا، کے ایل راہل، ہاردک پانڈیا، رشبھ پنت(وکٹ کیپر)، ردھیمان ساہا(وکٹ کیپر)، آر اشون، کُلدیپ یادو، اکشر پٹیل، واشنگٹن سندر، ایشانت شرما، جسپریت بمراہ اور محمد سراج