بھارت کے خلاف ٹی 20 سیریز کے لیے انگلینڈ کی ٹیم کا اعلان

بھارت کے خلاف ٹی 20 سیریز کے لیے انگلینڈ نے ٹیم کا اعلان کر دیا جس میں 3 برسوں کے بعد لیام اسٹون کی واپسی ہوئی ہے۔

بھارت اور انگلینڈ کے مابین ہونے والی پانچ میچوں کی ٹی 20 میچوں کی سیریز کے لیے انگلینڈ کرکٹ بورڈ نے حال ہی میں ختم ہونے والی بگ بیش لیگ میں پرتھ اسکارچرز کے لیے بہترین کارکردگی کا مظاہرہ کرنے والے سلامی بلے باز لیام لیونگ اسٹون کو تین سال بعد ٹیم میں شامل کیا ہے۔

ٹیسٹ ٹیم کے کپتان جو روٹ کے ٹی 20 اسکواڈ سے باہر ہونے پر ٹیم کے سلیکٹر ای ڈی اسمتھ نے کہا کہ رواں سال روٹ کے لیے مصروف سال ہوگا اس لیے انہیں ٹی 20 سیریز میں آرام دیا گیا ہے۔

دونوں ٹیموں کے مابین پہلا ٹی 20 میچ 12 مارچ کو احمد آباد کے سردار پٹیل اسٹیڈیم میں کھیلا جائے گا جبکہ بقیہ چار میچ بھی اسی اسٹیڈیم میں کھیلے جائیں گے۔

• ٹی 20 اسکواڈ:

ایون مورگن(کپتان)، معین علی، جوفرا آرچر، جانی بیئرسٹو، سیم بلنگز، جوس بٹلر، سیم کیرن، ٹام کیرن، کرس جارڈن، لیام لیونگ اسٹون، ڈیوڈ ملان، عادل رشید، جیسن رائے، بین اسٹوکس، ریس ٹاپلی اور مارک ووڈ۔