کراچی: 17 برس بعد انگلینڈ کی ٹیم پاکستان کے دورے پر آج کراچی پہنچی ہے۔ یہاں انگلینڈ کرکٹ ٹیم 7 ٹی ٹوئنٹی میچوں کی سیریز کھیلے گی۔ پاکستان اور انگلینڈ کے درمیان سیریز کا آغاز 20 ستمبر سے ہوگا۔ سیریز کے پہلے 4 میچز کراچی میں کھیلے جائیں گے، جب کہ آخری 3 میچز قذافی اسٹیڈیم لاہور میں کھیلے جائیں گے۔ England cricket team arrives for Pakistan tour in 17 years
بتادیں کہ انگلینڈ کی ٹیم آخری بار سنہ 2005 میں پاکستان کے دورے پر آئی تھی۔ تب انگلینڈ کی ٹیم ٹیسٹ اور ون ڈے سیریز کھیلی تھی، جس میں پاکستانی ٹیم نے ٹیسٹ سیریز 2-1 سے جیتی۔ اس کے علاوہ 5 ونڈے میچوں کی سیریز میں پاکستان 3-2 سے جیتنے میں کامیاب رہا۔