Wriddhiman Saha Conflict: ردھیمان ساہا کی حمایت میں کئی کرکٹرز سامنے آئے

وکٹ کیپر بلے باز ردھیمان ساہا کو سری لنکا کے خلاف آئندہ ٹیسٹ سیریز کے لیے قومی ٹیم سے باہر کرنا Wriddhiman Saha Drop from Indian Squad اب تنازع کی شکل اختیار کرتا جا رہا ہے۔

ردھیمان ساہا کو ٹیم سے باہر کرنے کے معاملے میں سابق سلامی بلے باز وریندر سہواگ کے بعد اب سابق کوچ روی شاستری، سابق اسپنر ہربھجن سنگھ اور سابق تیز گیند باز آر پی سنگھ بھی ساہا کی حمایت میں سامنے آئے ہیں۔ Cricketers Came Forward in Support of Wriddhiman Saha

روی شاستری اور ہربھجن سنگھ نے واٹس ایپ پر ایک صحافی کی جانب سے ساہا کو موصول ہونے والے نامناسب پیغامات کی سخت مذمت کی۔

روی شاستری نے بی سی سی آئی صدر سورو گنگولی پر زور دیا ہے کہ وہ اس معاملے سے نمٹیں۔ انہوں نے اتوار کو ایک ٹویٹ میں لکھا کہ 'ایک کھلاڑی کو صحافی کی جانب سے دھمکیاں دینا حیران کن اور اپنے عہدے کا غلط استعمال ہے۔ یہ وہ چیز ہے جو بھارتی ٹیم کے ساتھ مسلسل ہو رہی ہے۔ بی سی سی آئی کے صدر کا اس معاملے میں مداخلت کرنے کا وقت آگیا ہے۔ معلوم کریں کہ یہ شخص کون ہے۔

اسکے علاوہ سابق اسپنر ہربھجن نے ردھیمان ساہا پر زور دیا ہے کہ وہ اس صحافی کا نام ظاہر کریں جس نے انہیں پریشان کن پیغامات بھیجے تھے۔ ہربھجن نے ٹویٹ میں لکھا کہ 'ردھی آپ صرف اس شخص کا نام بتائیں تاکہ کرکٹ کمیونٹی کو معلوم ہو کہ کون ایسا کام کرتا ہے۔ ورنہ اچھے لوگ بھی شک کی زد میں آجائیں گے، یہ کیسی صحافت ہے؟ کھلاڑیوں کو تحفظ فراہم کیا جائے۔

سابق تیز گیند باز آر پی سنگھ نے ردھیمان ساہا کی حمایت میں ٹویٹ میں لکھا کہ 'جب بی سی سی آئی یا کرکٹرز کی بات آتی ہے، تو ہم سبھی صحافیوں سے بہت سارے 'ذرائع' سنتے ہیں۔ کیا کوئی ایک ذرائع مجھے بتا سکتا ہے کہ یہ صحافی کون ہے جس نے ساہا کو دھمکی دی ہے؟

واضح رہے کہ اس سے قبل اتوار کی صبح سابق سلامی بلے باز وریندر سہواگ نے ردھمان ساہا کی حمایت میں ایک ٹویٹ میں لکھا تھا کہ 'بہت دکھی ہوں، نہ تو قابل احترام ہے اور نہ ہی صحافی۔ بس چمچہ گری ۔

ردھیمان ساہا کو ٹیم میں شامل نہ کیے جانے پر قومی کرکٹ ٹیم کے موجودہ ہیڈ کوچ راہل دراوڑ پر اٹھنے والے سوالات کے بعد سابق آل راؤنڈر عرفان پٹھان نے ان کی حمایت کی ہے۔

عرفان پٹھان نے اس سلسلے میں ایک ٹویٹ میں لکھا کہ 'راہل ایک ایماندار کوچ ہیں۔ وہ ایسے شخص ہیں جنہیں پتہ ہے کہ اگر کوئی کھلاڑی ٹیم کے منصوبے میں فٹ نہیں بیٹھتا ہے تو اسے امید دیتے ہیں۔ میرے لیے وہ ہمیشہ ایک ایماندار کوچ ہیں۔'

واضح رہے کہ گزشتہ روز سینئر بھارتی وکٹ کیپر بلے باز ردھیمان ساہا نے ایک صحافی کے ساتھ اپنی گفتگو کے اسکرین شاٹس سوشل میڈیا پر پوسٹ کئے تھے جس کے بعد بھارتی کرکٹ میں طوفان برپا ہوگیا ہے۔