عالمی کرکٹ کپ کے لیے بنائے گئے اشتہار پر ناراضگی

16 جون کو ہونے والے بھارت اور پاکستان کے درمیان یک روزہ میچ کے لیے بنائے گئے ہائپ میں ایک شخص کی ابھینندن ورتھمان سے تشبیہ دینے پر بھارتی میڈیا نے ناراضگی ظاہر کی ہے۔

پاکستان کی ایک ایڈ کمپنی نے حال ہی میں ایک اشتہار جاری کیا جس میں مونچھوں والے ایک شخص کو نیلی ٹی شرٹ میں چائے پیتے ہوئے دکھایا گیا ہے۔

بھارتی میڈیا نے الزام عائد کیا ہے کہ ایڈ میں دکھائے گئے شخص کی حال ہی میں پاکستانی فوج کی طرف سے اغوا کیے گئے ونگ کمانڈر ابھینندن ورتھمان سے تشبیہ دی گئی ہے۔

ایڈ میں دکھایا گیا شخص سوال پوچھنے پر اسی انداز میں جواب دیتا ہے جس انداز میں بھارتیہ ونگ کمانڈر ابھینندن ورتھمان اُس ویڈیو میں جواب دیتے ہیں جو اُن کے اغوا ہونے کے بعد وائرل ہوگیا تھا۔