آئی سی سی ورلڈ کپ میں جیت کی مضبوط دعویدار مانی جا رہی ہے بھارتی ٹیم کی بلے بازی پریکٹس میچ میں نیوزی لینڈ کی گیند بازی کے سامنے ٹک نہیں سکی اور اسے چھ وکٹوں سے ہار کا سامنا کرنا پڑا۔
بھارت نے ٹاس جیت کر پہلے بلے بازی کرنے کا فیصلہ کیا تھا لیکن کیوی گیندبازوں نے بھارتی کپتان کے فیصلے کو غلط ثابت کرتے ہوئے پوری ٹیم کو 179 رنوں پر سمیٹ دیا۔
بھارت کی جانب سے سب سے زیادہ رن رویندر جڈیجہ نے بنائے، انہوں نے 50 گیندوں میں 54 رنز کی اننگز کھیلی جبکہ ہاردک پانڈیا نے 30 رنز بنائے۔
اس میچ میں بھارت کا ٹاپ آرڈر آپ مکمل طور پر فلاپ رہا اور نیوزی لینڈ کے گیند بازوں کا سامنا نہیں کر سکے۔
کیوی ٹیم کی جانب سے ٹرینٹ بولٹ نے 33 رن دے کر چار وکٹیں حاصل کیں، جبکہ جیمز نيشم نے 26رنوں کے عوض بھارت کے تین بلے بازوں کو پویلین کی راہ دکھائی، اس کے علاوہ کولن ڈی گرینڈ ہومے نے 12 رنز دے کر ایک وکٹ ليا۔ ہدف کا تعاقب کرنے اتری نیوزی لینڈ کی جانب سے کپتان کین ولیمسن اور راس ٹیلر نے نصف سنچری بنائی۔
ٹیلر نے 75 گیندوں میں 71 رنز بنائے جبکہ کین ولیمسن نے کپتانی اننگز کھیلی اور 67 رنوں کا تعاون پیش کیا۔
ان کے علاوہ مارٹن گپٹل نے بھی اننگز کو سنبھالتے ہوئے 22 رن بنائے۔
بھارت کی جانب سے جسپپریت بمراہ نے کفایتی گیند بازی کی انہوں نے 4 اوورز میں دو میڈن اوور ڈالے اور محض دو رن ہی دئے اور ایک وکٹ حاصل کیا جبکہ رویندر جڈیجہ نے ایک بلے باز کو پویلین کی راہ دکھائی۔
