نیوزی لینڈ کرکٹ نے بھارت کے خلاف ٹیسٹ چیمپیئن شپ فائنل کے لیے اپنے حتمی 15 رکنی ٹیم کا اعلان کیا ہے۔
اس اسکواڈ میں ڈیون کانوے اور اعجاز نے جہاں اس ٹیم میں اپنی جگہ یقینی بنائی تو وہیں ڈگ بریسویل، جیکب ڈفی، ڈیرل مچل، رچن روندر اور مچل سینٹنر آئی سی سی کے اس میگا ایونٹ کے لیے ٹیم میں جگہ بنانے میں ناکام رہے۔
کانوے کو انگلینڈ کے خلاف پہلے ٹیسٹ میچ میں ڈبل سنچری اور دوسرے میچ میں 80 رنز جبکہ اعجاز پٹیل کو دوسرے اور فیصلہ کن ٹیسٹ میچ میں چار وکٹ کے مظاہرے کی بدولت ٹیم میں شامل کیا گیا ہے۔
نیوزی لینڈ کے ہیڈ کوچ گیری اسٹڈ نے ٹیم کے اعلان کے بعد بیان میں کہا موجودہ وقت میں ٹیسٹ ٹیم میں جگہ پانے کے لیے جو سخت مقابلہ ہے اس کے سبب ہی سینٹنر اور ڈیرل کو باہر بیٹھانے کا مشکل فیصلہ کیا گیا ہے۔
ایجبسٹن میں متاثر کن کارکردگی کے بعد ہم اپنے ماہر اسپنر کے لیے اعجاز کے ساتھ گئے ہیں اور ہمیں یقین ہے کہ وہ ایجس باؤل میں ایک بڑا فیکٹر ہوسکتے ہیں۔
کوہنی کی چوٹ کے سبب دوسرا ٹیسٹ کھیلنے میں ناکام رہے ٹیم کے باقاعدہ کپتان کین ولیمسن اور بی جے واٹلنگ کی ڈبلیو ٹی سی فائنل کے لیے تیاری کے تعلق سے کہا کہ انہیں یقین ہے کہ دونوں کھلاڑی ساؤتھمپٹن میں ڈبلیو ٹی سی فائنل کے لیے وقت پر تیار ہوجائیں گے۔ وہیں انہوں نے کھیل میں اچھا مظاہرہ کرنے کے لیے کولن ڈی گرینڈہوم کی بھی حمایت کی۔
کوچ نے کہا 'ولیمسن اور واٹلنگ کو یقینی طور سے ان کے ایک ہفتے کے آرام اور رہیبلیٹیشن سے فائدہ ہوا ہے اور ہم امید کرتے ہیں کہ وہ فٹ ہوجائیں گے اور فائنل کے لیے دستیاب ہوں گے۔
انہوں نے کہا کہ 'ٹیسٹ چیمپیئن شپ کا فائنل مقابلہ کھیلنا حقیقت میں ایک خاص موقع ہے اور مجھے معلوم ہے کہ کھلاڑی یہاں ساؤتھمپٹن میں اپنا کردار ادا کرنے کے لیے پرجوش ہیں۔
کوچ نے مزید کہا کہ 'بھارتی ٹیم عالمی سطح کی ٹیم ہے جس کے پاس اپنے پورے لائن اپ میں میچ فاتح ہیں اس لیے ہم اس وہم میں نہیں ہیں کہ انہیں شکست دینا کتنا مشکل ہوگا۔
ٹیم سے ریلیز ہونے کے بعد مچل اور بریسویل برطانیہ میں ہی رہیں گے اور ٹی 20 بلاسٹ میں بالترتیب مڈل سیکس اور ناٹنگھم شائر کے لیے کھیلیں گے۔
کین ولیمسن(کپتان)، ٹام بلنڈیل، ٹرینٹ بولٹ، ڈیوون کانوے، کولن ڈی گرینڈ ہوم، میٹ ہنری، کائل جیمیسن، ٹام لاتھم، ہنری نکولس، اعجاز پٹیل، ٹم ساؤتھی، راس ٹیلر، نیل ویگنر، بی جے واٹلنگ، ول ینگ
