اس عالمی کپ میں یہ دوسرا مقابلہ ہے جو بارش کی وجہ سے منسوخ ہو گیا۔
اس سے قبل 7 جون کو برسٹل میں پاکستان اور سری لنکا کا مقابلہ بارش کی نذر ہوگیا تھا اور دونوں ٹیموں کو ایک ایک پوائنٹ ملا تھا۔
اس میچ کے رد ہوجانے سے جنوبی افریقہ کو ٹورنامنٹ میں 3 میچوں میں شکست کے بعد یہ ایک پوائنٹ ملا ہے۔
جنوبی افریقہ نے ابتدائی سات اوورز میں دو وکٹوں کے نقصان پر 29 رنز بنائے تھے۔
ویسٹ انڈیز نے ٹاس جیت کر جنوبی افریقہ کو پہلے بیٹنگ کی دعوت دی۔ تھی۔ ویسٹ انڈیز کے فاسٹ بولر شیلڈن کوٹرل نے اس فیصلے کو صحیح ثابت کیا اور تجربہ کار بلے باز ہاشم آملہ کو محض چھ رنز پر آوٹ کردیا۔ اس کے بعد انہوں نے ایڈن مارکرم کو بھی صرف پانچ رنز پر ہوپ کے ہاتھوں کیچ آوٹ کرایا۔
دونوں وکٹیں فاسٹ بولر شیلڈن کوٹرل نے حاصل کیں۔
جنوبی افریقہ نے اس ٹورنامنٹ میں اب تک کوئی بھی میچ نہیں جیتا ہے۔
جبکہ ویسٹ انڈیز نے پاکستان کے خلاف میچ جیتا تھا، لیکن آسٹریلیا کے ہاتھوں اسے شکست کا سامنا کرنا پڑا تھا۔