تنازعہ کے باوجود فائنل میں دھرم سینا امپائرنگ کریں گے

انگلینڈ کے اوپنر جیسن رائے کے ساتھ تنازعہ کے باوجود سری لنکا کے کمار دھرم سینا اتوار كو انگلینڈ اور نیوزی لینڈ کے درمیان ہونے والے آئی سی سی ورلڈ کپ کے فائنل میں امپائرنگ کریں گے۔

آسٹریلیا کے خلاف رائے کو دھرم سینا نے غلط آؤٹ قرار دیا تھا جس کے بعد پویلین لوٹتے وقت انہوں نے امپائر دھرم سینا کو برا بھلا کہا تھا ۔ رائے کی اس حرکت کو اسٹمپ مائیک نے ریکارڈ کر لیا تھا اور ان پر میچ فیس کا 30 فیصد جرمانہ لگا تھا اور دو ڈیمیرٹ پوائنٹس دیے گئے تھے۔رائے کو امپائر کے فیصلے پر مایوسی کے اظہار اور برا بھلا کہنے کے لئے معطل بھی کیا جا سکتا تھا لیکن فی الحال ان پر صرف جرمانہ ہی لگایا گیا ہے۔

دھرم سینا 2012 اور 2018 میں آئی سی سی امپائر آف دی ایئر کا خطاب جیت چکے ہیں اور 2016 ٹوئنٹی -20 ورلڈ کپ کے فائنل کے بعد وہ اب دوسری بار عالمی کپ کے فائنل میں امپائرنگ کریں گے۔دھرم سینا کے ساتھ فائنل میں مرائس ارسمس ساتھی امپائر ہوں گے۔ان کے علاوہ راڈ ٹکر تیسرے اور علیم ڈار چوتھے امپائر ہوں گے جبکہ رنجن مدگلے میچ ریفری ہوں گے۔

میزبان انگلینڈ اور نیوزی لینڈ کے درمیان عالمی کپ کا خطابی مقابلہ لندن کے لارڈز میں 14 جولائی کو کھیلا جائے گا۔