ساؤتھمپٹن کے ایجز باؤل میں نیوزی لینڈ کے خلاف کھیلے جانے والے ٹیسٹ چیمپیئن شپ کے فائنل میچ میں ٹیم انڈیا 6 بلے بازوں اور 5 گیند بازوں کے ساتھ میدان میں اترے گی۔
خطابی مقابلے میں کھیلنے والے حتمی 11 کھلاڑیوں کے ناموں کی اطلاع بی سی سی آئی نے اپنے آفیشیل ٹویٹر اکاؤنٹ پر دی۔
اس میچ میں بھارتی ٹیم تین 3 گیند باز اور 2 اسپنرز کے ساتھ اترے گی۔ ٹیم میں ایشانت شرما، محمد سمیع اور جسپریت بمراہ تیز گیند بازی کی ذمہ داری سنبھالیں گے جبکہ رویندر جڈیجہ اور آر اشون اسپنر کے کردار میں ہوں گے۔
روہت شرما اور شبھمن گل ٹیم کے سلامی بلے باز ہوں گے۔ اس کے بعد چیتشور پجارا تیسرے نمبر پر اتریں گے۔ کپتان وراٹ کوہلی اس بار بھی معمول کے مطابق چوتھے نمبر پر بیٹنگ کریں گے۔ اس کے بعد نائب کپتان اجنکیا رہانے اور نوجوان وکٹ کیپر بلے باز رشبھ پنت کی بلے بازی ہوگی۔