بھارت ڈبلیو ٹی سی پوائنٹ ٹیبل میں سرفہرست

بھارتی کرکٹ ٹیم ورلڈ ٹیسٹ چیمپئن شپ (2021-2023) کے پوائنٹس ٹیبل میں 14 پوائنٹس کے ساتھ سرفہرست ہے۔ پاکستان 12 پوائنٹس کے ساتھ دوسرے اور ویسٹ انڈیز 12 پوائنٹس کے ساتھ تیسرے نمبر پر ہے۔

بھارتی کرکٹ ٹیم نے پانچ ٹیسٹ میچوں کی سیریز کے دوسرے میچ میں انگلینڈ کے خلاف 151 رنز کی زبردست فتح کے بعد ورلڈ ٹیسٹ چیمپئن شپ کی تازہ ترین درجہ بندی میں 14 پوائنٹس کے ساتھ سرفہرست مقام پر پہنچ گئی ہے۔

بھارت نے انگلینڈ کے خلاف کھیلے گئے دو میچوں میں 14 پوائنٹس جمع کیے ہیں۔

پہلا ٹیسٹ ڈرا ہونے سے بھارت کو چار پوائنٹس ملے تھے جبکہ لارڈز میں جیتنے سے 12 پوائنٹس حاصل ہوئے تھے۔ پھر بھی ٹیم کے پاس مجموعی طور پر 16 کے بجائے 14 پوائنٹس ہی ہیں، کیونکہ بھارت کو سست اوور ریٹ کے وجہ سے دو پوائنٹس کا نقصان ہوا تھا۔

ڈبلیو ٹی سی کے قواعد کے مطابق سلو اوور ریٹ پر دو پوائنٹس کی کٹوتی کی جائے گی اور ہر میچ کی جیت پر 12 پوائنٹس دیے جاتے ہیں جبکہ ٹائی ہونے پر چھ پوائنٹس اور ڈرا نتیجہ کے لیے چار پوائنٹس دییے جاتے ہیں۔

بھارت کے بعد پاکستان ہے (12 پوائنٹس) ، جس نے ویسٹ انڈیز کو 109 رنز سے شکست دے کر سیریز برابر کی۔

کیریبین سائیڈ کے بھی 12 پوائنٹس ہیں کیونکہ اس نے سیریز کا ابتدائی میچ جیتا تھا اور ٹیبل میں تیسرے نمبر پر ہے۔

انگلینڈ دو پوائنٹس کے ساتھ چوتھے نمبر پر ہے۔ انھوں نے ناٹنگھم میں کھیلے گئے پہلے میچ میں ڈرا کی صورت حاصل کیے گئے چار پوائنٹس میں سے دو پوائنٹس بھی گنواں دیے کیونکہ ان کی اوورز پھینکنے کی رفتار سست تھی۔

بھارت اور انگلینڈ کے درمیان پانچ میچوں کی سیریز کا تیسرا ٹیسٹ بدھ سے لیڈز کے ہیڈنگلے میں شروع ہو رہا ہے۔

قابل ذکر بات یہ ہے کہ ورلڈ ٹیسٹ چمپئن شپ کے فائنل میچ میں نیوزی لینڈ نے بھارت کو شکست دے کر کے جون میں افتتاحی چیمپئن بن گیا۔