آئی سی سی نے اتوار کو ایک بیان میں کہا کہ شاہین پر جرمانے کے علاوہ ان کے اکاؤنٹ میں ایک ڈیمیرٹ پوائنٹ بھی شامل کر دیا گیا ہے۔ یہ ان کا اس طرح کا پہلا جرم تھا۔ چونکہ شاہین نے اپنا جرم اور جرمانہ قبول کر لیا ہے اس لیے کیس کی باقاعدہ سماعت کی ضرورت محسوس نہیں کی گئی۔
آئی سی سی کے مطابق شاہین آفریدی بنگلادیش کے خلاف دوسرے ٹی ٹوئنٹی میچ میں آرٹیکل 2.9 کی خلاف ورزی کے مرتکب قرار پائے۔
خیال رہے کہ پاکستان اور بنگلادیش کے درمیان ہونے والے دوسرے ٹی ٹوئنٹی میچ میں بنگلادیشی بلے باز عفیف حسین نے شاہین کو تیسرے اوور کی دوسری گیند پر چھکا مارا تھا، اس کے فوری بعد اگلی ہی گیند عفیف نے روکی جو سیدھا شاہین کے ہاتھ میں گئی۔
اس موقع پر شاہین نے غیر ضروری طور پر تیز تھرو کردیا جو وکٹ کے سامنے کھڑے عفیف کے ٹخنے پر لگ گیا جس سے وہ پچ پر گر پڑے۔شاہین آفریدی فوری طور پر ان کے پاس گئے، معذرت کی، میچ کے بعد بھی شاہین آفریدی عفیف کے پاس گئے اور انہیں گلے لگایا۔
یو این آئی