بھوپال میں ورلڈ کپ کا بخار

بھارتی ریاست مدھیہ پردیش کے دارالحکومت بھوپال میں کرکٹ کے شائقین کا عالمی کپ کے تئیں جنون دیکھنے کو مل رہا ہے، روزہ دار بھی عالمی کپ دیکھنے کے لئے جلد از جلد کام ختم کر کے میچ دیکھنے بیٹھ جاتے ہیں۔

بھوپال میں کرکٹ کے مداح ندیم جعفری نے ای ٹی وی بھارت سے بات کرتے ہوئے کہا کہ ذہن میں بار بار یہ آرہا ہے کہ جلد سے جلد وقت گزرے اور ہم میچ دیکھیں۔

انہوں نے کہا کہ ہم آفس میں بھی میچ کا اسکور معلوم کرنے کوشش کرتے رہتے ہیں۔

ندیم نے کہا کہ انہیں آسٹریلیا کی ٹیم پسند ہے لیکن وہ بھارتی ہیں اس لئے وہ بھارت کی ٹیم کو پورا پورا سپورٹ کریں گے اور ان کی خواہش ہے کہ بھارت ہی عالمی کپ جیتے۔

محمد اعظم نے کہا کہ رمضان کی وجہ سے ہمارے پاس وقت کی کمی ہے جس کے سبب ہم وقت پر میچ نہیں دیکھ پا رہے ہیں۔

وہیں کرکٹ کے کھلاڑی روہت نے کہا کہ رواں عالمی کپ میں ساری ٹیمیں مضبوط ہیں اور مقابلہ سخت ہو گا۔