بزرگ پرستار چارولتا پٹیل توجہ کا مرکز بنیں

بنگلہ دیش اور بھارت کےدرمیان منگل کے روز برمنگھم کے ایجبسٹن میدان میں کھیلے گئے میچ میں بھارتی ٹیم کی حوصلہ افزائی کرنے پہنچی بزرگ خاتون پرستار نے سب کا دل جیت لیا۔

ہندوستانی ٹیم کے کپتان وراٹ کوہلی اورسرکردہ بلے باز روہت شرما میچ کے بعد 87 سالہ بزرگ خاتون چارولتا پٹیل سےملنے کے لئے ان کے پاس پہنچے۔
وراٹ نے ٹویٹر پر بتایا کہ ’’ میں سبھی مداحوں کی محبت اور حمایت کے لئے اور خاص طور پر چارولتا پٹیل جی کا شکریہ ادا کرنا چاہوں گا ۔ وہ 87 سال کی ہیں اور سب سے پرجوش اور دل سے چاہنے والے پرستاروں میں سے ایک ہیں‘‘۔
وراٹ اور روہت شرما نے میچ کے بعد بزرگ پرستار کا آشرواد بھی لیا۔ جس کا ویڈیو سوشل میڈیا پر وائرل ہو رہا ہے ۔
بزرگ خاتون نے ٹیم انڈیا کو جیت کے لئے مبارکباد بھی پیش کی ۔