پوری ٹیم 6 رنز پر آؤٹ

کرکٹ میں کبھی کچھ بھی ہوسکتا ہے، لیکن کوئی ٹیم اگر صرف چھ رنز پر آوٹ ہوجائے تو کیا آپ یقین کریں گے؟

دراصل خواتین ٹی 20 کرکٹ میں ایک ٹیم محض چھ رنوں پر ڈھیر ہوگئی یہ میچ کوئی کلب کی ٹیمیں نہیں کھیل رہی تھی بلکہ یہ ایک بین الاقوامی میچ تھا۔

یہ مقابلہ مالی اور روانڈا کے درمیان کھیلا گیا تھا جس میں پہلے بلے بازی کرتے ہوئے مالی کی ٹیم صرف چھ رنوں پر آل آوٹ ہوگئی۔

ٹی 20 انٹرنیشنل میں سب سے کم اسکور کا یہ نیا ریکارڈ بن گیا ہے، اس سے پہلے اسی سال جنوری میں چین کی خواتین ٹیم 14 رنوں پر آل آوٹ ہوگئی تھی، لیکن اب سب سے کم اسکور کا یہ ایک نیا ریکارڈ بن گیا ہے۔

مالی کی پوری ٹیم 9 اوورز میں آل آوٹ ہوگئی، اتنا ہی نہیں چھ میں سے پانچ رن ایکسٹرا کے طور پر ہی آئے، یعنی صرف ایک رن بلے سے آیا جبکہ 9 بلے باز کھاتہ بھی نہیں کھول سکے۔

روانڈا نے یہ ہدف صرف چار گیندوں میں حاصل کرلیا۔

روانڈا کیلئے 19 سالہ تیز گیند باز جوسین نائرن نے کوئی رن دئے بغیر تین وکٹ لئے جبکہ میری ڈیانے اور لیگ اسپنر مارگیٹ ویمولیا نے دو دو بلے بازوں کو پویلین کی راہ دکھائی۔