'وراٹ سب کو اپنے ساتھ لے کر چلتے ہیں'

بھارتی کرکٹ ٹیم کے لیگ اسپنر يجویندر چہل نے ٹیم انڈیا کے کپتان وراٹ کوہلی کی تعریف کرتے ہوئے کہا ہے کہ وراٹ سب کو اپنے ساتھ لے کر چلتے ہیں۔

کورونا وائرس کی وجہ سے ملک بھر میں لاک ڈاؤن لگا ہوا ہے اور کرکٹ سرگرمیاں بھی ٹھپ پڑی ہوئی ہیں۔ اس درمیان چہل نے بتایا کہ انہوں نے کپتان وراٹ سے کیا کچھ سیکھا ہے۔

چہل نے اسٹار اسپوٹرس کے شو کرکٹ کنکٹڈ میں کہا کہ میں آئی پی ایل ٹیم رائل چیلنجرز بنگلور کے دنوں سے وراٹ کے ساتھ تقریبا چھ برس سے کھیل رہا ہوں۔ میں نے ایک ہی چیز وراٹ سے سیکھی وہ یہ ہے کہ وہ زمین سے جڑے انسان ہیں۔ انہیں اس سے کوئی فرق نہیں پڑتا کہ انہوں نے کتنا نام کمایا ہے، چاہے وہ میدان پر ہوں یا ذاتی طور پر۔ اس کے باوجود وراٹ سب کو ساتھ لے کر چلتے ہیں۔

لیگ اسپنر يجویندر چہل

انہوں نے کہا کہ مجھے معلوم ہے کہ وراٹ کو جم میں وقت گزارنا بہت پسند ہے اور انہوں نے کس طرح اپنا جسم فٹ رکھا ہے۔ میں ان سے بھی سیکھنا چاہتا ہوں۔ میں ان کے بعد سے دیکھ رہا ہوں جب وہ 18-19 برس کے تھے اور کس طرح انہوں نے 2012-13 میں خود کو تبدیل کیا۔ اگر کوئی شخص خود کو 30 فیصد بھی وراٹ کی طرح بدل دے تو وہ واقعی توقع سے زیادہ ہوگی۔