بھارتی کپتان وراٹ کوہلی اور ٹیم انڈیا کے فاسٹ بولر ایشانت شرما نے لاک ڈاؤن کے دوران دہلی پولیس کے طریقہ کار کی تعریف کی ہے۔
وراٹ اور ایشانت نے دہلی پولیس کی تعریف کی کورونا وائرس کی وجہ سے حکومت ہند نے ملک میں 21 دن کے لاک ڈاؤن کا اعلان کیا ہے جو 14 اپریل تک چلے گا۔اس دوران دہلی پولیس لوگوں کی خدمت کر رہی ہے اور ضرورتمندوں تک کھانا بھی پہنچا ہے۔وراٹ نے ویڈیو پیغام جاری کرکے کہاکہ یہ جاننا میرے لئے خوشی کی بات ہے کہ پولیس ایسے مشکل دور میں لوگوں کی مدد کر رہی ہے۔دہلی پولیس نہ صرف پوری ایمانداری سے اپنا کام رہی ہے بلکہ ضرورتمندوں تک کھانا بھی پہنچا رہی ہے۔ایشانت نے لوگوں سے گھر میں رہنے اور اپنا اور اپنے خاندان کا خیال رکھنے کی گزارش کی۔انہوں نے کہاکہ دہلی پولیس کے جوان دن رات ایک کر کے اپنا کام کر رہے ہیں تو ایسے میں ہمیں گھر میں رہ کر ان کی مدد کرنی چاہئے اور سب سے ضروری بات کہ ہمیں فرضی خبروں پر بھروسہ نہیں کرنا ہے۔
