کچھ واقعات اتنے اہمیت کے حامل ہوتے ہیں کہ ان کی اہمیت کے حساب سے انسان کے لیے اپنی زندگی کی روایات میں بدلاؤ کرنا ناگزیر ہوجاتا ہے۔ اس کی تازہ مثال اس وقت سامنے آئی جب بھارتی کرکٹ ٹیم کے کپتان وراٹ کوہلی نے بھی ایسا کر دکھایا۔
وراٹ کوہلی نے ٹوئٹر پروفائل میں تبدیلی کردی، کیا ہے تبدیلی؟
بھارتی کرکٹ ٹیم کے کپتان وراٹ کوہلی اور ان کی اہلیہ و بالی ووڈ اداکارہ انوشکا شرما کے ہاں 11 جنوری کو بیٹی کی پیدائش کے بعد وراٹ کوہلی نے اپنے ٹوئٹر اکاؤنٹ کے بائیو کو تبدیل کرلیا۔
ویراٹ کوہلی نے ٹوئٹر پروفائل میں تبدیلی کردی، کیا ہے تبدیلی
دراصل وراٹ کوہلی اور ان کی اہلیہ انوشکا شرما کے ہاں 11 جنوری کو بیٹی کی پیدائش ہوئی تھی جس کے بعد اب وراٹ کوہلی نے اپنی زندگی اور رشتے میں آنے والی تبدیلی کو ٹوئٹر بائیو پر بھی مستقل طور پر لگالیا ہے۔ وراٹ کوہلی نے ٹوئٹر بائیو میں قابل فخر شوہر اور والد لکھ لیا ہے۔ اس سے قبل ان کی بائیو میں بھارتی کرکٹر، گیمر اور گاڑیوں کا شوقین لکھا ہوا تھا۔ وراٹ کوہلی کی جانب سے ان کی بائیو میں کی جانے والی تبدیلی ان کے مداحوں کو خوب پسند آرہی ہے۔
واضح رہے کہ اس وقت وراٹ کوہلی کے ٹوئٹر پر فالوورز کی تعداد 40 ملین سے زیادہ ہے علاوہ ازیں انہوں نے 64 اکاؤنٹس کو فالو بھی کیا ہوا ہے۔