بائیں ہاتھ کے تجربہ کار بلے باز تمیم اقبال بنگلہ دیش ون ڈے ٹیم کے نئے کپتان بن گئے ہیں۔ تمیم پانچ سال کے بعد ون ڈے کی کپتانی چھوڑنے والے مشرف مرتضی کی جگہ ٹیم کی کمان سنبھالیں گے۔
تمیم اقبال بنگلہ دیشی کرکٹ ٹیم کی قیادت کریں گے بنگلہ دیش کرکٹ بورڈ (بی سی بی) نے ایگزیکٹو کمیٹی کے اجلاس میں یہ فیصلہ کیا۔ بورڈ نے اگرچہ یہ نہیں بتایا کہ تمیم کب تک کپتان کے عہدے پر رہیں گے لیکن بی سی بی کے صدر نجم الحسن نے یہ اشارہ ضرور دیا کہ تمیم کو طویل عرصے تک کے لئے ون ڈے ٹیم کی کپتانی کی ذمہ داری دی جائے گی۔
تمیم اقبال بنگلہ دیشی کرکٹ ٹیم کی قیادت کریں گے حسن نے صحافیوں سے کہا کہ 'ہم نے طویل وقت کے لئے تمیم کو ون ڈے ٹیم کے کپتان کے طور پر منتخب کیا ہے۔ یہ یقینی نہیں ہے کہ تمیم کب تک کپتان رہیں گے لیکن ہم نے انہیں کافی وقت کے لئے مقرر کیا ہے۔'
وہیں تمیم نے ون ڈے ٹیم کا کپتان مقرر کئے جانے پر بورڈ کا شکریہ کرتے ہوئے کہا کہ 'یہ میرے لئے بہت فخر کی بات ہے۔'
انہوں نے کہا کہ 'مجھ پر اعتماد کرنے کے لئے میں بی سی بی کا شکریہ کرتا ہوں۔ مجھے معلوم ہے کہ میں جس شخص کی جگہ یہ پوزیشن لینے جا رہا ہوں، وہ عظیم کھلاڑی رہا ہے۔ مرتضی بھائی میرے اور تمام کرکٹروں کے لئے مثالی ہیں اور آنے والے وقت میں نوجوان کھلاڑیوں کی حوصلہ افزائی کرتے رہیں گے۔'
تمیم اقبال بنگلہ دیشی کرکٹ ٹیم کی قیادت کریں گے قابل ذکر ہے کہ مرتضی نے حال ہی میں زمبابوے کے خلاف ہوئی ون ڈے سیریز کے بعد ون ڈے ٹیم کی کپتانی سے ہٹنے کا فیصلہ لیا تھا جس کے بعد تمیم کو ون ڈے ٹیم کا نیا کپتان مقرر کیا گیا ہے۔
بنگلہ دیش کو اپنا اگلا ون ڈے مقابلہ ایک اپریل کو پاکستان کے خلاف کراچی میں کھیلنا ہے اور اس کے بعد اسے آئر لینڈ کے خلاف تین میچوں کی سیریز کھیلنی ہے۔
