سنہ 2011 کرکٹ عالمی کپ کا فائنل میچ فکس تھا

سری لنکا کے سابق وزیر کھیل مہندانند التھگامگے نے الزام لگایا ہے کہ ان کے ملک نے 2011 میں ورلڈ کپ کا فائنل ہندوستان کو فروخت کردیا تھا۔ تاہم اس دعوے کو بے بنیاد قرار دیتے ہوئے سری لنکا کے سابق کپتان مہیلا جے وردھنے نے ثبوت مانگے ہیں۔

سری لنکا کے سابق وزیر کھیل مہندانند التھگامگے نے ایک مقامی ٹی وی چینل کو انٹرویو دیتے ہوئے کہا کہ سنہ 2011 میں کرکٹ عالمی کپ کا فائنل میچ فکس تھا۔

عالمی کپ کے فائنل میں ہندوستان نے 275 رنز کے ہدف کا تعاقب کیا تھا اور گوتم گمبھیر (97) اور کپتان مہیندر سنگھ دھونی (91) کی اننگز کے ذریعے فتح حاصل کی تھی۔

اس وقت کے سری لنکا کے وزیر کھیل التھگامگے نے کہا "آج میں آپ کو بتا رہا ہوں کہ ہم نے 2011 کا ورلڈ کپ فروخت کیا تھا یہاں تک کہ جب میں کھیلوں کا وزیر تھا تب بھی میں نے ایسا ہی کہا تھا۔"

پانچ اگست کو ہونے والے انتخاب تک موجودہ نگران حکومت میں وزیر مملکت برائے بجلی التھگامگے نے کہا "ایک ملک کی حیثیت سے میں یہ اعلان نہیں کرنا چاہتا تھا۔ مجھے یاد نہیں ہے کہ یہ سنہ 2011 تھا یا 2012 لیکن ہمیں وہ میچ جیتنا چاہئے تھا۔

انہوں نے کہا "میں آپ کو ذمہ داری کے ساتھ بتا رہا ہوں کہ مجھے محسوس ہوا کہ میچ فکس تھا۔" میں اس پر بحث کرسکتا ہوں، میں جانتا ہوں کہ لوگ اس سے پریشان ہیں۔

اس میچ میں سنچری بنانے والے سابق کپتان جے وردھنے نے ان الزامات کو بے بنیاد قرار دیا ہے۔ انہوں نے ٹویٹ میں پوچھا "کیا انتخابات ہونے والے ہیں؟

التھمگامگے نے کہا کہ ان کا نظریہ ہے کہ کچھ کھلاڑیوں کے بجائے نتائج کو طے کرنے میں کچھ لوگ ملوث تھے۔

التھگامگے نے اس سے قبل بھی میچ فکس ہونے کا اشارہ کیا تھا۔ التھگامگے اس وقت کے صدر مہندا راجپکشے کو ممبئی کے وانکھڑے اسٹیڈیم میں منعقدہ فائنل میں مدعو کیا گیا تھا۔

سری لنکا کی ورلڈ کپ جیتنے والی ٹیم کے کپتان ارجن راناٹنگا نے بھی 2011 ورلڈ کپ کے فائنل فکس ہونے کے الزامات کی تحقیقات کا مطالبہ کیا تھا۔