دیوالی کے موقع پر سچن تیندولکر، وراٹ کوہلی سائنا نہوال سمیت کئی لوگوں نے عوام کو دیوالی کی نیک خواہشات پیش کی ہیں۔
بھارتی کرکٹ ٹیم کے سابق کھلاڑی ماسٹر بلاسٹر سچن تیندولکر نے ٹویٹر پر ایک ایک ویڈیو اپلوڈ کر کے برادران وطن کو دیوالی کی مبارکباد دی ہے، سچن نے اپنی ویڈیو کے کیپشن میں لکھا کہ 'سبھی کو دیوالی کی بہت بدھائی'۔
بھارتی کرکٹ ٹیم کے موجودہ کپتان وراٹ کوہلی نے اپنے انسٹا گرام پر ایک ویڈیو پوسٹ کیا اور اس میں کہا کہ 'صفائی ملازمین کی تعریف کریں، ڈیلیوری مینز کو ٹپ دیں، کتے پالیں، دان کریں، بے گھر بچوں کو تحفے دیں'۔
اس کے علاوہ ملک کی اسٹار بیڈمنٹن کھلاڑی سائنا نہوال نے ٹویٹر پر اپنی تصویر پوسٹ کرتے ہوئے لکھا ' سبھی کو دیوالی کی مبارکباد'۔
بھارتی کرکٹ ٹیم کے سابق سلامی بلے باز وریندر سہواگ نے کہا کہ ' آپ کی زندگی میں ہمیشہ خوشیاں، پیار اور روشنی برقرار رہے، آپ اپنی دیوالی دھوم سے منائیں'۔