ریاست اترپردیش کے شہر میرٹھ نے عالمی سطح پر اسپورٹس انڈسٹری میں منفرد مقام حاصل کیا ہے یہی وجہ ہے کہ میرٹھ میں تیار کرکٹ کے ساز و سامان قومی و بین الاقوامی سطح پر مقبول ہیں۔
افغانستانی کرکٹر قیس احمد، ویڈیو جبکہ بیشتر کرکٹ کھلاڑی بذات خود میرٹھ آکر کرکٹ کے ساز و سامان خریدتے ہیں۔
افغانستان کرکٹ ٹیم کے گیند باز قیس احمد بھی کرکٹ کا سازوسامان خریدنے کے لیے میرٹھ کی ایس ایف کمپنی میں تشریف لائے۔
انہوں نے کہا کہ 'بھارت ہمارا دوسرا مادر وطن ہم بھارت کے نا صرف ساز و سامان استعمال کرتے ہیں بلکہ بھارتی کرکٹ کھلاڑیوں سے کافی کچھ سیکھتے ہیں۔
قیس احمد نے مزید کہا کہ 'افغان کرکٹ ٹیم، کرکٹ کے افق پر تیزی سے ابھر رہی ہے، جس کی وجہ سے نوجوانوں کی کافی امیدیں وابستہ ہیں اور افغانستان کرکٹ بورڈ نوجوانوں کو کھیلنے کا موقع بھی دیتا ہے۔
انہوں نے آئی پی ایل کے متعلق کہا کہ 'انڈین پریمیئر لیگ نے کرکٹ کو دلچسپ بنانے میں کافی اہم کردار ادا کیا۔
