مصباح، اظہر اور حفیظ کو شوکاز نوٹس

پاکستان کرکٹ ٹیم کے ہیڈ کوچ مصباح الحق، ٹیسٹ ٹیم کے کپتان اظہر علی اور سینئر آل راونڈر محمد حفیظ نے ملک میں ڈیپارٹمنٹل کرکٹ کی بحالی کے لیے وزیر اعظم عمران خان سے ملاقات کی تھی، تاہم عمران خان ڈیپارٹمنٹ کرکٹ کی بحالی کے لیے راضی نہ ہوئے۔

پاکستانی کرکٹ بورڈ نے وزیر اعظم عمران خان سے ملاقات کرنے پر قومی ٹیم کے ہیڈ کوچ سمیت اظہر علی، محمد حفیظ کو شوکاز نوٹس جاری کر دیے ہیں کہ کس سے پوچھ کر وزیر اعظم سے ملاقات کی؟

پاکستانی کرکٹ بورڈ

تفصیلات کے مطابق وزیر اعظم عمران خان سے بدھ کے روز ملاقات کرنے والے ٹیم کے ہیڈ کوچ مصباح الحق، ٹیسٹ ٹیم کے کپتان اظہر علی اور سینئر آل راونڈر محمد حفیظ بڑی مشکل میں پھنس گئے ہیں۔ ان تینوں افراد نے ملک میں ڈیپارٹمنٹل کرکٹ کی بحالی کے لیے وزیر اعظم عمران خان سے ملاقات کی تھی، تاہم عمران خان ڈیپارٹمنٹ کرکٹ کی بحالی کے لیے راضی نہ ہوئے۔

اب پی سی بی نے مصباح الحق، ٹیسٹ ٹیم کے کپتان اظہر علی اور سینئر آل راونڈر محمد حفیظ کو شوکاز نوٹس جاری کرکے جواب طلب کیا ہے۔ پی سی بی نے تینوں افراد سے سوال کیا ہے کہ کرکٹ کے انتظامی امور کے حوالے سے بنا اجازت انہوں نے وزیر اعظم عمران خان سے ملاقات کیوں کی۔