'سرفراز کو کپتانی سے ہٹا دینا چاہیے'

پاکستان کے سابق کرکٹر اور تیز گیند باز شعیب اختر نے مطالبہ کیا کہ سرفراز احمد کو کپتانی سے ہٹانے کا وقت آگیا ہے اور حارث سہیل و بابر اعظم کو موقع دیا جانا چاہیے۔

عالمی کپ میں پاکستانی ٹیم کی مایوس کن کارکردگی کے بعد شعیب اختر نے ایک ویڈیو میں کہا کہ سرفراز کو ٹیم میں بطور وکٹ کیپر بلے باز شامل کیا جانا چاہیے بلکہ ٹیم کی کمان بابر اعظم اور حارث سہیل کی سونپی جانی چاہیے۔

سرفراز احمد

اختر نے کہا کہ حارث سہیل کو یک روزہ اور ٹی 20 کا جبکہ بابر اعظم کو ٹیسٹ ٹیم کا کپتان بنایا جانا چاہیے، انہوں نے عالمی کپ میں بابر اعظم کی شاندار کارکردگی پر مبارکباد بھی دی۔

پاکستان کرکٹ ٹیم

واضح رہے کہ انگلینڈ میں منعقد عالمی کپ میں پاکستانی ٹیم کی کارکردگی انتہائی مایوس کن رہی تھی اور ٹیم سیمی فائنل میں جگہ بنانے میں ناکام ہو گئی تھی، حالاںکہ پاکستانی ٹیم 11 پوائنٹس کے ساتھ پانچویں مقام پر تھی جبکہ چوتھے مقام پر قابض نیوزی لینڈ کے بھی 11 پوائنٹس تھے لیکن بہتر رن ریٹ کی بنیاد پر نیوزی لینڈ کو سیمی فائنل میں داخلہ مل گیا تھا۔