بنگلہ دیش کے آل راؤنڈر کرکٹر شکیب الحسن پر توہین مذہب کا الزام لگاتے ہوئے فیس بک لائیو پر ایک شخص نے انہیں جان سے مارنے کی دھمکی دی ۔
سلہٹ کے شاہ پور تعلقہ پاڑہ کے محسن تالقدر نامی شخص نے شکیب الحسن کو دھمکی دی۔ وہ 12 بجکر 6 منٹ پر فیس بک لائیو شروع کیا اور یہ دعویٰ کیا کہ شکیب کے برتاؤ سے 'مسلمانوں کو تکلیف ہوئی ہے'۔
دراصل شکیب گذشتہ جمعرات کولکتہ گئے تھے جہاں انہوں نے کالی پوجا کا افتتاح کیا،وہ بت کے سامنے نماز پڑھتے دیکھے جاسکتے ہیں وہ اگلے روز ہوائی جہاز کے ذریعے بنگلہ دیش واپس لوٹ آئے تھے۔
محسن تالقدر نے دھمکی دی کہ شکیب کو ایک ہیلی کاپٹر کی مدد سے ٹکڑوں سے کاٹ دے گا۔ اس نوجوان نے یہاں تک کہا کہ وہ ضرورت پڑنے پر شکیب کو مارنے کے لئے سلہٹ سے ڈھاکہ چلا آئے گا۔ اطلاعات کے مطابق اس نے کولکتہ میں کالی پوجا کا افتتاح کرنے پر شکیب کو دھمکی دی تھی۔
سلہٹ میٹرو پولیٹن پولیس کے ایڈیشنل ڈپٹی کمشنر بی ایم اشرف اللہ طاہر نے کہا کہ ' ہمیں ابھی اس معاملے سے آگاہی ملی ہے۔ ویڈیو لنک سائبر فرانزک ٹیم کے حوالے کردیا گیا ہے۔ جلد ہی قانونی کارروائی کی جائے گی۔'
بعد میں مزکورہ نوجوان ایک بار پھر فیس بک پر براہ راست چلا گیا اور اس کے اس عمل سے معذرت کرلی۔ انہوں نے شکیب سمیت تمام مشہور شخصیات کو بھی 'صحیح راہ' پر چلنے کا مشورہ دیا۔
