بھارتی کرکٹ ٹیم کے سابق کپتان اور بی سی سی آئی کے موجودہ صدر سورو گنگولی نے کہا کہ 'دھونی کی سبکدوشی ایک عہد کا خاتمہ ہے۔ ان کے جیسا با صلاحیت کھلاڑی ملنا مشکل ہے۔'
دھونی کی سبکدوشی 'ایک عہد کا خاتمہ' : سورو گنگولی
بھارتی کرکٹ ٹیم کے مایہ ناز کرکٹر مہندر سنگھ دھونی کی سبکدوشی پر ٹیم کے سابق کپتان سورو گنگولی اور کرکٹ لیجنڈ سچن تینڈولکر نے اپنے جذباتی ردعمل کا اظہار کیا ہے۔
image
کرکٹ کے لیجنڈ اور بھارت رتن سچن تینڈولکر نے بھارت کے کامیاب ترین کپتانوں میں سے ایک مہندر سنگھ دھونی کے یوم آزادی کے موقع پر انٹرنیشنل کرکٹ سے سبکدوشی کے اعلان پر جذباتی ردعمل ظاہر کرتے ہوئے کہا کہ 'ہندوستانی کرکٹ میں دھونی کی شراکت ہمیشہ یاد رہے گی۔'
دھونی کے 15 اگست کو انسٹاگرام پر ریٹائرمنٹ کا اعلان کرنے کے بعد کرکٹرز، انٹرنیشنل کرکٹ کونسل (آئی سی سی)، انڈین کرکٹ کنٹرول بورڈ (بی سی سی آئی) کے چیئرمین سی کے کھنہ، سابق اوپنر وریندر سہواگ اور سابق آل راؤنڈر عرفان پٹھان سمیت کئی مایہ ناز کھلاڑیوں نے ہندوستانی کرکٹ میں دھونی کی شراکت کو سراہا۔