جے پور کے سوائی مان سنگھ اسٹیڈیم میں کھیلے جارہے رنجی ٹرافی ایلیٹ گروپ اے کے دوسرےدن کے کھیل ختم ہونے تک راجستھان نے آٹھ وکٹوں کے نقصان پر 156 رن بنا لئے اور مجموعی طور پر 274 رنوں کی سبقت حاصل کرلی۔
دوسری اننگزمیں راجستھان کی شروعات مایوس کن رہی اور پانچ رنوں کے انفرادی اسکور پر پہال نقصان برادشت کرنا پڑاتھا۔
راجستھان کی جانب سے آر بشنوئی(24 رن)،کپتان مینرا(28 رن)اورشبھم شرما(29رن)بنا کر نمایاں اسکورر ہے۔ اس کے علاوہ تنویرالحق 21 رن بنا کر ناٹ آوٹ رہے۔
بنگال کی جانب سے نیل کانتاداس کو چار،آکاش دیپ کودوجبکہ نندی اور مکیش کمار کو ایک ایک وکٹ ملا۔
اس سے قبل بنگال کی پہلی اننگز 52.3اوورز میں 123 رن بنا کر ختم ہو گئی۔بنگال کی جانب سے کوستو گھوش(38رن)اورابھنورمن(31رن)اور انستوپ مجمدار(17رن)بناکر نمایاں اسکورر رہے ۔
راجستھان کی جانب سے تنویر الحق اور ریتوراج سنگھ کو چار چار وکٹ ملے اس کے علاوہ عرفات خان کو دو وکٹ ملے۔
مکیش کمار (62 رن دے کرچھ وکٹ) کی عمدہ بالنگ کی بدولت بنگال نے راجستھان کو رنجی ٹرافی کےایلیٹ گروپ اے کے ایک اہم میچ میں 241 رنوں پر ڈھیر کردیا۔