راہل ڈریوڈ پیر کے روز 48 برس کے ہو گئے ہیں۔ اس بیچ سماجی رابطے کی ویب سائٹس پر ان کے مداحوں کی جانب سے مبارکباد پیش کی گئی۔
سوشل میڈیا پر ایک وال بنائی گئی، جس کے ذریعے سبھی مداحوں نے ڈریویڈ کو مبارکباد پیش کی۔ سابق کرکٹ کھلاڑی وی وی ایس لکشمن نے کچھ تصاویر شیئر کرتے ہوئے لکھا 'میرے دوست کو جنم دن مبارک'۔
لکشمن نے ٹویٹ میں لکھا 'میں نے ڈریویڈ کے ساتھ کافی یادگار لمحے گذارے ہیں۔ میری طرف سے انہیں سالگرہ مبارک، ان کا نیا سال اچھا گرزے'۔
وہیں عرفان پٹھان نے لکھا 'ایک عظم آدمی کو عظیم سالگرہ مبارک'۔
مشہور کھلاڑی ویریندر سہواگ اپنے ایک الگ انداز میں لکھتے ہیں 'کہتے ہیں دیواروں کے بھی کان ہوتے ہیں، یہ دیوار کے کان تو ہیں ہی، جو سب کو اچھے سے سنتے ہیں، بلکہ بہت ساف من بھی ہے۔ اب ہمارے پاس ایک وال ہے، ہمارے پاس سب کچھ ہے، جنم دن مبارک راہل ڈریویڈ، آپ جو بھی کریں، اللہ کرے کامیاب ہوں'۔
انٹرنیشنل کرکٹ کونسل (آئی سی سی) نے ڈریوڈ کے بارے میں کچھ دلچسپ اعدادوشمار پیش کرتے ہوئے ٹویٹ کیا۔ وہیں بی سی سی آئی نے ایک تویٹ میں لکھا 'سابق بھارتی کھلاڑی اور زبردست بلے بار کو جنم دن مبارک'۔
واضح رہے کہ راہل ڈریوڈ کو سنہ 2004 میں آئی سی سی کرکٹر آف دا ایئر کے خطاب سے نوازا گیا تھا۔
سابق بھارتی کپتان راہل ڈریویڈ موجودہ وقت میں بنگلورو میں نیشنل کرکٹ اکیڈمی (این سی اے) کے سربراہ ہیں۔ انہیں سنہ 1998 میں ارجن ایوارڈ سے نوازا گیا، اس کے بعد سنہ 2004 میں پدم شری اور سنہ 2013 میں پدم بھوشن سے نوازا گیا۔
