بھارتی ٹیم کو لگا جھٹکا، پُجارا ہوئے زخمی

بھارتی کرکٹ ٹیم کے اہم بلے باز چیتشور پُجارا کی پریکٹس کے دوران دائیں ہاتھ میں گیند لگنے سے زخمی ہوگئے جس کے بعد انہیں میدان سے باہر جانا پڑا۔

آسٹریلیا اور بھارت کے مابین کھیلے جانے والے تیسرے ٹیسٹ سے قبل بھارتی ٹیم کے لیے بری خبر آئی جس کے مطابق ٹیم کے اہم کھلاڑیوں میں سے ایک چیتیشور پُجارا زخمی ہوگئے گئے ہیں۔

تفصیلات کے مطابق پریکٹس کے دوران پُجارا کے دائیں ہاتھ میں گیند لگی جس کے بعد انہیں فوراً میدان سے باہر لے جایا گیا۔ 32 سالہ چیتشور پجارا ٹیم کے اہم کھلاڑیوں میں سے ایک ہیں۔

نیٹ سیشن کی ایک تصویر شیئر کرتے ہوئے ایک آسٹریلیائی صحافی نے بتایا کہ بیٹنگ کے دوران چیتشور پُجارا کے دائیں ہاتھ میں گیند لگی جس کے بعد ہو ڈریسنگ روم میں چلے گئے۔

پجارا کو ٹیم کے فزیو کے ساتھ بھی دیکھا گیا تاہم وہ تھوڑی دیر بعد واپس پریکٹس کے لیے آگئے۔

چیتشور پُجارا

اگر پُجارا کی کارکردگی کے بارے میں بات کریں تو آسٹریلیا کے خلاف پہلے دو ٹیسٹ میچوں میں ان کا بلہ خاموش نظر آیا ہے۔ چار اننگز میں پجارا نے اب تک 15.75 کے اوسط سے صرف 63 رنز بنائے ہیں۔

واضح رہے کہ اس سے قبل تیز گیند باز محمد سمیع اور اُمیش یادو بھی زخمی ہونے کی وجہ سے ٹیم سے باہر ہوگئے ہیں۔

دونوں ٹیموں کے درمیان تیسرا میچ 7 جنوری سے سڈنی کرکٹ گراؤنڈ میں کھیلا جائے گا۔