بنگلہ دیشی ٹیم بھارت سے سیریز کے لیے بھارت پہنچ چکی ہے جہاں وہ تین ٹی 20 اور 2 ٹیسٹ میچ کھیلے گی، اس دوران بھارتی کرکٹ بورڈ کے صدر سورو گنگولی نے ایک ٹیسٹ میچ ڈے نائٹ کرانے کا فیصلہ کیا ہے۔
بھارتی کرکٹ کنٹرول بورڈ (بی سی سی آئی) کے صدر سورو گنگولی نے شیخ حسینہ کو اس تاریخی دے نائٹ ٹیسٹ میچ دیکھنے کے لیے مدعو کیا تھا۔
بنگلہ دیشی وزیراعظم شیخ حسینہ نے ڈھاکہ میں اپنی سرکاری رہائش گاہ پر صحافیوں سے گفتگو کے دوران کہا کہ ایک بنگالی نے انہیں دعوت دی ہے اس لیے وہ میچ دیکھنے جارہی ہیں۔
انہوں نے بتایا کہ ان کی گنگولی سے فون پر بات ہوئی تھی اور گنگولی نے انہیں میچ کے آغاز میں شرکت کی دعوت دی ہے۔
شیخ حسینہ نے مزید کہا کہ 'میں وزیراعظن یا وزیراعلی کی دعوت پر نہیں جارہی ہوں بلکہ ایک بنگالی نے دوسرے بنگالی کو میچ دیکھنے کی دعوت دی ہے۔
اس درمیان ذرائع نے بتایا کہ شیخ حسینہ پہلے دن کا کھیل دیکھنے کے بعد اسی دن لوٹ جائیں گی۔
بی سی سی آئی کے صدر سورو گنگولی نے وزیر اعظم نریندر مودی کو بھی پہلے دن کے کھیل کو دیکھنے کے لیے ایڈن گاردن مدعو کیا گیا ہے لیکن مصروف ترین شیڈول کے پیش نظر ان کا آنا مشکل نظر آرہا ہے اس کے باوجود بنگال کرکٹ ایسوسی ایشن پی ایم او دفتر کے رابطے میں رہے گا۔
