پرکشا پر چرچہ کے دوران بھارتی کرکٹ ٹیم کے سابق کپتان انل کمبلے کا وزیر اعظم نریندر مودی کی جانب سے نام لیے جانے پر انل کمبلے نے شکریہ ادا کیا ہے۔
وزیر اعظم نریندر مودی نے کمبلے کے اس میچ کا ذکر کیا جس میں وہ جبڑے کے زخمی ہونے کے باوجود گیند بازی کرنے آئے تھے۔
کمبلے نے ایک ٹویٹ میں لکھا کہ پرکشا پر چرچہ کے دوران وزیر اعظم کے ذریعہ میرا نام لیے جانے پر میں اعزاز محسوس کررہا ہوں۔"
پرکشا پر چرچہ کے دوران وزیر اعظم مودی نے انل کمبلے کے علاوہ وی وی ایس لکشمن، راہل دراوڈ کا بھی ذکر کیا تھا۔
وزیر اعظم نے کہا کہ ہماری ٹیم ایک مشکل مرحلے سے گزر رہی تھی اور کچھ بھی اچھا نہیں ہورہا تھا لیکن ان لمحوں میں کیا ہم راہل اور لکشمن کو بھول گئے تھے؟ جنہوں نے میچ کو تبدیل کردیا تھا۔
انہوں نے مزید کہا کہ اسی طرح سے انل کمبلے نے زخمی ہونے کے بعد بھی گیند بازی کی کون اس چیز کو بھلا سکتا ہے، یہ حوصلہ افزائی اور مثبت سوچ کی طاقت ہے۔
واضح رہے کہ کمبلے نے بھارت کے لیے 132 ٹیسٹ اور 271 یک روزہ میچ کھیلے ہیں، جس میں انہوں نے 619 اور 337 وکٹیں حاصل کیں۔