یوراج سنگھ کے خلاف پولس نے رپورٹ پیش نہیں کی

سابق کرکٹ کھلاڑی یوراج سنگھ کی دلتوں کے خلاف کئے گئے مبینہ تبصرے کے معاملے میں ہریانہ کے حصار میں خصوصی عدالت میں ہانسی پولس نے آج بھی اسٹیٹس رپورٹ داخل نہیں کی۔

درج فہرست ذات و قبائل پر ہونے والے مظالم کی روک تھام کے قانون کے تحت قائم خصوصی عدالت میں وکیل رجت کلسن کی جانب سے دائر عرضی پر ہانسی پولس کو اسٹیٹس رپورٹ پیش کرنی تھی لیکن پولس کی جانب سے کوئی بھی افسر یا ملازم عدالت میں رپورٹ پیش کرنے نہیں پہنچا۔

عرضی گذار نے 2 جون کو یوراج سنگھ کے خلاف شکایت کے ذریعہ مقدمہ درج کرنے اور گرفتاری کا مطالبہ کیا تھا اور یہ بھی الزام عائد کیا تھا کہ سابق کھلاڑی نے سوشل میڈیا پر اپنے ساتھی کرکٹروں سے بات چیت کے دوران دلت سماج کے سلسلے میں قابل اعتراض تبصرہ کیا تھا۔